header ads

នៅ​រសៀល​ថ្ងៃទី​១៧ ខែកុម្ភៈ ឆ្នាំ​២០២០​នេះ លោក ឃួ​ង ស្រេង អភិបាល​រាជធានី​ភ្នំពេញ បាន​ជូន​ជន​បរទេស​ដែល​ចុះ​ពី​នាវា​ទេសចរ MS Westerdam​ទស្សនកិច្ច​នៅ​ទូទាំង​រាជធានី តាមរយៈ​រថយន្តក្រុង​សាធារណៈ មុននឹង​ពួកគេ​ត្រឡប់​ទៅ​ប្រទេស​រៀងៗ​ខ្លួន​វិញ ។ នេះ​បើតាម​ការចុះផ្សាយ​ដោយ​ក្រសួង​ព័ត៌​មាន​។

​មន្ត្រីរដ្ឋបាល​រាជធានី​ភ្នំពេញ​បាន​ឲ្យ​ដឹងថា ដំណើរ​ទស្សនកិច្ច​នេះ គឺ​នាំ​ជនបរទេស​មកពី​នាវា ​Wester​dam ដែល​មក​សម្រាក​នៅ​សណ្ឋាគារ​សុខា​ភ្នំពេញ ដើម្បី​ទស្សនកិច្ច​តាម​រមណីយដ្ឋាន តាម​ដង​ទន្លេ មុខ ព្រះបរមរាជវាំង និង​កន្លែង​ផ្សេងៗ​ទៀត មុន​ពេលដែល​ត្រឡប់​ទៅកាន់​ប្រទេស​របស់​ពួកគេ​វិញ ដើម្បី​បង្ហាញ​ពី​ភាព​រីកចំរើន​របស់​រា​ជ​ធានី​ភ្នំពេញ​។​

​ក្រសួង​ព័ត៌មាន​បញ្ជាក់ថា ជនបរទេស​ទាំងអស់​នេះ ត្រូវបាន​ឆ្លងកាត់​ការត្រួតពិនិត្យ​សុខភាព យ៉ាង​ម៉ត​ចត់ ពី​មន្ត្រី​ក្រសួងសុខាភិបាល ថា​គ្មាន រោគសញ្ញា​ពាក់ព័ន្ធ​នឹង​វីរុស Covid-19 នោះឡើយ ក្រោយ​ចុះ​កប៉ាល់​ទេសចរ Westerdam ដែល​ដឹក​មនុស្ស​សរុប​ជាង​២​ពាន់​នាក់​៕​

ផ្ដល់សិទ្ធិដោយ៖ Khmernas
លោកអ្នកអាចបញ្ចេញមតិនៅទីនេះ!

Feature Ads

Previous Post Next Post