មុននេះបន្តិច ឯកឧត្តម វិល្លាម បានសម្ដែងការភ្ញាក់ផ្អេីលយ៉ាងខ្លាំងក្រោយ ក្រោយពីទទួលព័ត៌មានថាពលរដ្ឋមួយចំនួន បានតវ៉ាចំពោះលោក ព្រាប សុវត្ថិ ដែលធ្វេីរោងឈេីបិទផ្លូវសាធារណៈ ហេីយពលរដ្ឋអះអាងថាលោក ព្រាប សុវត្ថិ ក៏ធ្វេីរបងបំពានផ្លូវសាធារណៈ ជាពិសេសការចតឡានបិទផ្លូវ ឬសម្លេងរោទិ៍របស់ឡានជាដេីម ដែលបង្ករការរំខានដល់ពួកគាត់ ។
បេីពិនិត្យលេីរូបភាព ពិតជាមានការធ្វេីឈេីលេីផ្លូវសាធារណៈមែន ឬអាចនិយាយថា បិទផ្លូវដោយប្រយោល តែចំពោះការធ្វេីរបងបំពានលុះត្រាអាជ្ញាធរជាអ្នកពិនិត្យទេីបដឹង ដោយមិននិយាយរឿងផ្សេងទេ។
ឯកឧត្តម បានបន្តឲ្យដឹងថា លោកផ្ទាល់ក៏ជាអ្នកចូលចិត្តបទចម្រៀងខ្លះៗរបស់កំពូលតារារូបនេះ តែចំពោះការបំពានទ្រព្យសម្បត្តិសាធារណៈ គឺជាទោស ដែលបានបញ្ញតិ ដោយក្រមព្រហ្មទណ្ឌ ហេីយច្បាប់ដាក់ទោសមិនស្គាល់តារា មិនស្គាល់លោកខែនោះទេ។
ឯការតវ៉ារបស់ពលរដ្ឋជារឿងមួយផ្នែក តែប្រសិនជាបិទផ្លូវសាធារណៈមែន អាជ្ញាធរគួរមានវិធានការដោះស្រាយ បេីជាកំហុសអចេតនា រេីឈេីចេញទៅសម្រួលគ្នាទៅ ហេីយពលរដ្ឋសំណូមពរអ្វីខ្លះដោះស្រាយទៅ វាគ្មានបញ្ហាអីធំដុំផង ដេីម្បីរក្សាតម្លៃថ្លៃថ្នូរ ជាពិសេសសម្ដេចតេជោអំពាវនាវហេីយ ថាឲ្យសិល្បករ សិល្បការនី ធ្វេីជាគំរូដល់សង្គម។
តែកំពូលតារាចម្រៀងក៏ដោយ ពលរដ្ឋក៏ដោយ សិទ្ធិស្មេីគ្នាចំពោះមុខច្បាប់ ការតវ៉ារបស់ពលរដ្ឋ ក្នុងទ្រង់ទ្រាយតូចនេះចាត់ទុកថាជាការប្រេីសិទ្ធិសេរីភាពបញ្ចេញមតិ ដែលការពារដោយច្បាប់ ។
បេីនិយាយន័យសង្គមទូទៅ បេីយេីងមិនប៉ះពាល់គេ គេមិនមកបង្កបញ្ហាអ្វីនោះដែរ ។
យ៉ាងណាបើតាមលោកហេង ឡុង ប្រធានសមាគមមិត្តសិល្បៈស្ម័គ្រចិត្តជួយសង្គម បានបញ្ជាក់នៅមុននេះបន្តិច ផងដែរថា «បង ព្រាប សុវត្ថិ សូមបដិសេធព័ត៌មានផ្សាយកាលពីថ្ងៃទី៤ ខែមីនា ឆ្នាំ២០២០ ម្សិលមិញ ចំពោះការផ្ទុះតវ៉ាពាក់ព័ន្ធជាមួយនឹងផ្ទះរបស់គាត់ ហើយបានចោទប្រកាន់ថា គាត់បានរំលោភផ្លូវសាធារណៈ និងធ្វើឲ្យរំខានអ្នកជិតខាង ដោយមានរហូត៧០គ្រួសារមកតវ៉ា តែជាក់ស្ដែងមានត្រឹមពីរបីគ្រួសារប៉ុណ្ណោះ ហើយគាត់បានចោទជាសំណួរថា ពួកគាត់មានបំណងអ្វី? នៅពេលដែលគាត់នៅផ្ទះ ហេតុអ្វីមិនមកនិយាយគ្នា? សូមបញ្ជាក់ថា ថ្ងៃកើតហេតុម្សិលមិញនេះ គាត់មិនបាននៅភ្នំពេញទេ ឥឡូវនេះគាត់កំពុងតែធ្វើដំណើរត្រឡប់មកពីខេត្តមណ្ឌលគិរីវិញ»។