អធិការដ្ឋាននគរបាលខណ្ឌបឹងកេងកង៖ ដោយស្របតាមការណែនាំរបស់ក្រសួងសុខាភិបាល បទបញ្ជារបស់ឯកឧត្តម នាយឧត្តមសេនីយ៍ សន្តិបណ្ឌិត នេត សា វឿន អគ្គស្នងការនគរបាលជាតិ ក៏ដូចជាការណែនាំផ្ទាល់ពីសំណាក់ឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ នៅរសៀលថ្ងៃអង្គារ៍ ទី២៤ ខែមីនា ឆ្នាំ២០២០ លោកវរសេនីយ៍ទោ សុឹម ពិសិដ្ឋ អធិការនគរបាលខណ្ឌបឹងកេងកង បានដឹកនាំកម្លាំងដោយផ្ទាល់ ដោយភ្ជាប់ជាមួយស្ទីកគ័រអប់រំ និងសារជាសម្លេងដេីម្បីផ្សព្វផ្សាយដល់ប្រជាពលរដ្ឋក្នុងមូលដ្ឋានឲ្យបានយល់ដឹងកាន់តែច្បាស់នូវវិធីបង្ការ និងទប់ស្កាត់ការរីករាលដាលនៃវីរុសកូវីដ ១៩ ។
ជាពិសេសចំពោះសមាជិកក្រុមគ្រួសារណាដែលទេីបមកពីបរទេស សូមដាក់ខ្លួនឲ្យនៅដាច់ដោយឡែកចំនួន១៤ថ្ងៃ ។
ប្រភព៖ ស្នងការដ្ឋាននគរបាលរាជធានីភ្នំពេញ
