ទីក្រុងហ្សាការតា៖ ប្រធានាធិបតីឥណ្ឌូនេស៊ី លោក ចូកូ វីដូដូ បាននិយាយកាលពីថ្ងៃចន្ទទី ២ ខែមីនា ឆ្នាំ២០២០ ថាប្រជាជនឥណ្ឌូនេស៊ីពីរនាក់បានធ្វើតេស្តិ៍ ហើយលទ្ធផលវិជ្ជមានបញ្ជាក់ពីជំងឺកូវីដ១៩ (Covid-19) ដែលជាករណីដំបូងដែលត្រូវបានបញ្ជាក់នៅក្នុងប្រទេសឥណ្ឌូនេស៊ី។
លោកវីដូដូបាននិយាយថា“ ជនជាតិជប៉ុនម្នាក់បានមកដល់ប្រទេសឥណ្ឌូនេស៊ីហើយបានជួបនឹងពួកគេ…គឺជាម្តាយអាយុ ៦៤ ឆ្នាំនិងកូនស្រីអាយុ ៣១ ឆ្នាំ” ។ អ្នកទាំងពីរត្រូវបានពិនិត្យ ហើយព្រឹកនេះខ្ញុំបានទទួលរបាយការណ៍ពីក្រសួងសុខាភិបាលថាពួកគេបានធ្វើតេស្ត ហើយលទ្ធផលវិជ្ជមាន” ។
រដ្ឋមន្រ្តីក្រសួងសុខាភិបាល Terawan Agus Putranto បានប្រាប់ទូរទស្សន៍ Kompas ថាអ្នកជំងឺរស់នៅក្នុងតំបន់ Depok ដែលស្ថិតនៅខាងក្រៅរដ្ឋធានីនៃប្រទេសឥណ្ឌូនេស៊ី ហើយកំពុងត្រូវបានព្យាបាលនៅមន្ទីរពេទ្យ Sulianti Saroso ក្នុងទីក្រុងហ្សាការតា។
លោករដ្ឋមន្រ្តីបាននិយាយថាអ្នកទាំងពីរមិនមានប្រវត្តិធ្វើដំណើរទេ មានន័យថាមធ្យោបាយតែមួយគត់ដែលពួកគេឆ្លង ជំងឺកូវីដ១៩ (Covid-19) គឺតាមរយៈជនជាតិជប៉ុននោះ។ នៅពេលដែលអាជ្ញាធរបានជួបជាមួយអ្នកជំងឺទាំងពីរនាក់នោះ ពួកគេបានបង្ហាញរោគសញ្ញារួចហើយ ហើយអ្នកទាំងពីរត្រូវបានគេដាក់ឲ្យនៅដាច់ពីគេ។
