header ads

ក្រសួង​សុខា​ភិ​បាល​វៀត​ណាម​បាន​រាយ​ការណ៍​នៅ​ថ្ងៃ​ទី​៤​មីនា​ថា អ្នក​ដំណើរ​និង​បុគ្គ​លិក​ទាំង​អស់ មាន​ទំនាក់​ទំនង​ជា​មួយ​អ្នក​ដំណើរ​ជន​ជាតិ​ជប៉ុន​ម្នាក់ ដែល​ត្រូវ​បាន​គេ​ធ្វើ​តេស្ត​វិជ្ជ​មាន​Covid​-​19 លើ​ជើង​ហោះ​ហើរ​VN340 របស់​ក្រុម​ហ៊ុន​អាកាស​ចរណ៍​វៀត​ណាម ត្រូវ​បាន​ដាក់​ឲ្យ​នៅ​ដាច់​ដោយ​ឡែក​។

កាល​ពី​ថ្ងៃ​ទី​៣​ខែ​មីនា អ្នក​ដំណើរ​ជប៉ុន​នេះ​បាន​ឡើង​ជិះ​យន្ត​ហោះ​របស់​ក្រុម​ហ៊ុន​អាកាស​ចរណ៍​វៀត​ណាម ជា​មួយ​អ្នក​ដំណើរ​៧២​នាក់​ផ្សេង​ទៀត មក​ពី​ខេត្ត​សៀម​រាប​ពី​ប្រទេស​កម្ពុជា ចូល​មក​កាន់​ទី​ក្រុង​ហូ​ជី​មិញ បន្ទាប់​មក​បាន​ចេញ​ដំណើរ​បន្ត​ទៅ​កាន់​ប្រទេស​ជប៉ុន​។

បន្ទាប់​ពី​ចុះ​ចត​នៅ​ប្រទេស​ជប៉ុន អ្នក​ដំណើរ​ជន​ជាតិ​ជប៉ុន បាន​បង្ហាញ​រោគ​សញ្ញា​គ្រុន​ក្តៅ​និង​បាន​ធ្វើ​តេស្ត​វិជ្ជ​មាន​ជា​មួយ​វីរុស​Covid​-​19​។

នាវិក​ទាំង​អស់​នៅ​លើ​ជើង​ហោះ​ហើរ​VN340 បាន​វិល​ត្រឡប់​មក​ប្រទេស​វៀត​ណាម​វិញ តាម​ជើង​ហោះ​ហើរ VN341 ដែល​បាន​ចុះ​ចត​នៅ​អាកាស​យាន​ដ្ឋាន​ទី​ក្រុង​ហូ​ជី​មិញ​នៅ​ម៉ោង​១​និង​៥៥​នាទី​រសៀល​ថ្ងៃ​ទី​៤​ខែ​មីនា​។ ការ​ហោះ​ហើរ​ត្រឡប់​ម​កវិញ​នេះ បាន​ដឹក​អ្នក​ដំណើរ​៧៣​នាក់​និង​នាវិក​១២​នាក់​។

អ្នក​ដំណើរ​ចំនួន​៥១​នាក់​និង​នាវិក​ទាំង​អស់​ត្រូវ​បាន​ដាក់​ឱ្យ​នៅ​ដាច់​ពី​គេ​។ មនុស្ស​២២​នាក់​ផ្សេង​ទៀត​ត្រូវ​បាន​គេ​ដាក់​ឱ្យ​នៅ​ដាច់​ពី​គ្នា​ហើយ​កំពុង​ធ្វើ​នីតិ​វិធី​សម្រាប់​ការ​ហោះ​ហើរ​បន្ត​។ មន្រ្តី​វៀត​ណាម​និង​ជប៉ុន​កំពុង​ស៊ើប​អង្កេត​លើ​អ្នក​ដំណើរ​ជប៉ុន​ដែល​ឆ្លង​វីរុស​នៅ​កម្ពុជា​៕

ផ្ដល់សិទ្ធិដោយ៖ khmernas
លោកអ្នកអាចបញ្ចេញមតិនៅទីនេះ!

Feature Ads

Previous Post Next Post