header ads

(សៀមរាប​)៖ កម្លាំង​នគរបាល នៃ​ស្នងការ​ដ្ឋាន​នគរបាល​ខេត្តសៀមរាប ក្រោម​ការសម្រប​សម្រួល​ពី​តំណាង​អយ្យការ បាន​ឃាត់ខ្លួន​បុរស​ម្នាក់​ដែល​បង្ហោះ​សារ តាម​បណ្ដាញ​សង្គម Facebook គំរាម​សម្លាប់​ថ្នាក់ដឹកនាំ និង​ញុះញង់​ឲ្យ​មានការ​រើសអើង ព្រមទាំង​ជេរប្រមាថ​អង្គ​ព្រះមហាក្សត្រ។

លោក​ឧត្តមសេនីយ៍​ត្រី ហួត សុធី ស្នងការ​រង​ទទួល​ផែនការ​ងា​រស​ន្ដិ​សុខ នៃ​ស្នងការ​ដ្ឋាន​នគរបាល​ខេត្តសៀមរាប បាន​ឲ្យដឹង​ថា ជនសង្ស័យ​មានឈ្មោះ អាត់ អេង ឬ សេន អាត ភេទ​ប្រិស អាយុ ៣៦ឆ្នាំ មុខរបរ​ជាងភ្លើង និង​ម៉ាស៊ីន​ត្រជាក់ មាន​ទីលំនៅ​ភូមិ​ទួល ឃុំ​ទឹកល្អក់ ស្រុក​ព្រៃ​លប់ ខេត្ត​ព្រះសីហនុ។

បើ​តាម​លោក​ឧត្តមសេនីយ៍​ត្រី ហួត សុធី ដដែល ជនសង្ស័យ បាន​បង្ហោះ​វីដេអូ​សកម្មភាព និង​រូបភាព លើ​បណ្ដាញ​សង្គម គំរាម​សម្លាប់​ថ្នាក់ដឹកនាំ ញុះញង់​ឲ្យ​មានការ​រើសអើង ជេរប្រមាថ​អង្គ ព្រះមហាក្សត្រ និង​ជេរប្រមាថ​ស្ថាប័ន​ផ្សេង និង​ប្រជាពលរដ្ឋ​ជាច្រើន​នាក់​ក្នុង​ប្រទេស​កម្ពុជា។ សកម្មភាព​ទាំងអស់​នោះ គឺ​ជនសង្ស័យ​បាន​បង្កើត និង​បង្ហោះ​តាម​បណ្ដាញ​សង្គម Facebook និង Tiktok ដោយ​ប្រើប្រាស់​មធ្យោបាយ​ទូរស័ព្ទ​ដៃ​ម៉ាក Vivo (Y5​) ពណ៌ខៀវ ដែល​មាន​គណនី ឈ្មោះ​ដូច​ខាងក្រោម៖

ទី១៖ ត្រាំង​សិលា អង្គរធំ​ភូមិ​ប្រាសាទ,ឮ

ទី២៖ សិលា សៀមរាប ឬ សិលា ប្រាសាទ

និង​ទី៣៖ គណនី Tiktok ឈ្មោះ សិលា​សៀមរាប​។

ក្រោយ​សាកសួរ ជនសង្ស័យ​បាន​ឆ្លើយ​សារភាព​ថា រូបគេ​ពិតជា​បាន បង្ហោះ​ដោយ​ប្រើប្រាស់​គណនី​ដូច​ខាងលើ​ពិតប្រាកដ​មែន ដោយ​ប្រើ​ឈ្មោះ និង​រូបថត​អតីត​ប្រពន្ធ​របស់​ខ្លួន ដើម្បីឲ្យ​សមត្ថកិច្ច​ចាប់​អតីត​ប្រពន្ធ​ខ្លួន ដាក់គុក​ព្រោះ​ដោយហេតុ​ខឹង​អតីត​ប្រពន្ធ​មិន​រស់នៅ​ជាមួយ​រូបគេ។ ​

បច្ចុប្បន្ន សមត្ថកិច្ច បាន​ឃាត់ខ្លួន​ជនសង្ស័យ ដើម្បី​សាកសួរ និង​កសាង​សំណុំរឿង​បញ្ជូន​ទៅ​តុលាការ​បន្ត​នីតិវិធី​៕

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post