កេសរកូលព្រៃឬផ្កាអ័រគីដេ កំពុងទទួលរងការគំរាមកំហែងតាមរយៈការជួញដូរក្នុងរូបភាពផ្សេងទៅបរទេស ជាពិសេសប្រទេសថៃ និងវៀតណាម ប៉ុន្តែមិនទាន់មានការកត់ត្រា និងព័ត៌មានលម្អិតពីការជួញដូរនេះនៅឡើយទេ។ នេះបើតាមផ្សព្វផ្សាយរបស់ក្រសួងបរិស្ថាននៅថ្ងៃទី២៦ខែមេសា។
ផ្កាកេសរកូលព្រៃ គឺជាផ្កាមួយប្រភេទដែលប្រជាពលរដ្ឋតែងនិយមហៅថាផ្កាអ័រគីដេ។ផ្កាអ័រគីដេនេះភាគច្រើនសង្កេតឃើញមានលក់នៅតាមហាងលក់ផ្កានានា ដែលបានបង្កាត់មកពីប្រភេទផ្កាកេសរកូលព្រៃ។
អ្នកជំនាញផ្នែកជីវៈចម្រុះ បានចាត់ទុកកម្ពុជា ជាប្រទេស ដែលសំបូរបែបនូវធនធានធម្មជាតិ និងជីវៈចម្រុះគ្រប់ប្រភេទ ដែលក្នុងនោះមានប្រភេទផ្កាកេសរកូលព្រៃ ឬផ្កាអ័រគីដេ ប្រមាណជាង៥០០ប្រភេទ ដោយមានពូជខ្លះក៏ជាពូជកម្រ នៅក្នុងប្រទេសកម្ពុជាផងដែរ។
សូមបញ្ជាក់ថា ក្នុងចំណោមប្រភេទផ្កាទាំងនោះមានកេសរកូលព្រៃប្រមាណ ៣៦០ ហើយដែលបានធ្វើអត្តសញ្ញាណរួច៕
ផ្ដល់សិទ្ធិដោយ៖ khmernas