header ads

Sponsor

ក្មេង​ជំទង់​មក​ពី​កុល​សម្ព័ន្ធ​អាម៉ា​ហ្សូន​ដាច់​ស្រយាល​មួយ ដែល​បាន​ធ្វើ​តេស្ត​វិជ្ជ​មាន​ចំពោះ​Covid-19 បាន​ស្លាប់ និង​កំពុង​បង្ក​ឱ្យ​មាន​ការ​ព្រួយ​បារម្ភ​អំពី​មេ​រោគ​នេះ​ទៅ​លើ​ប្រជា​ជន​ជន​ជាតិ​ដើម​ក្នុង​តំបន់​នេះ​។

យោង​តាម​ក្រសួង​សុខា​ភិ​បាល​របស់​ប្រទេស​ប្រេ​ស៊ីល​បាន​ឱ្យ​ដឹង​ថា ក្មេង​ប្រុស​នេះ​មាន​អាយុ​១៥​ឆ្នាំ​មក​ពី​ភូមិ​Rehebe នៅ​លើ​ដង​ទន្លេ​យូ​រ៉ា​រី​យូ នៅ​ភាគ​ខាង​ជើង​ប្រទេស បាន​ស្លាប់​កាល​ពី​ថ្ងៃ​ព្រហស្បតិ៍​។

ក្រសួង​សុខា​ភិ​បាល​បាន​និយាយ​ថា ក្មេង​ប្រុស​នេះ ត្រូវ​បាន​ព្យាបាល​នៅ​ក្នុង​បន្ទប់​សង្គ្រោះ​បន្ទាន់​នៅ​មន្ទីរ​ពេទ្យ Roraima General Hospital រដ្ឋ Roraima ចាប់​តាំង​ពី​ថ្ងៃ​ទី​៣​ខែ​មេ​សា ប៉ុន្តែ​មន្ទីរ​ពេទ្យ​មិន​បាន​បង្ហាញ​ពី​មូល​ហេតុ​នៃ​ការ​ស្លាប់​របស់​ក្មេង​ប្រុស​នេះ​ទេ។

រដ្ឋ​មន្រ្តី​ក្រសួង​សុខា​ភិ​បាល​ប្រេ​ស៊ីល​បាន​និយាយ​ថា ករណី​រក​ឃើញ​ជំងឺ​កូវីដ​១៩​លើ​ជន​ជាតិ​ដើម​យ៉ាណូម៉ាមី​(​Yanomami​) ហើយ​រដ្ឋា​ភិ​បាល​កំពុង​ព្រួយ​បារម្ភ​សុខ​ភាព​ជន​ជាតិ​ដើម​នេះ​។

ជន​ជាតិ​ដើម​យ៉ាណូម៉ាមី រស់​នៅ​ក្នុង​ព្រៃ​និង​ភ្នំ​នៅ​ភាគ​ខាង​ជើង​ប្រទេស​ប្រេ​ស៊ីល និង​ភាគ​ខាង​ត្បូង​ប្រទេស​វេណេស៊ុយ​អេឡា នេះ​បើ​យោង​តាម​អង្គ​ការ Survival International ដែល​ជា​អង្គ​ការ​មួយ​ដែល​ព្យាយាម​ការ​ពារ​សិទ្ធិ​ជន​ជាតិ​ដើម​។

វិទ្យា​ស្ថាន​សង្គម​និង​បរិ​ស្ថាន(ISA) បាន​និយាយ​ថា​វីរុស​បាន​រាល​ដាល​ក្នុង​ចំណោម​ជន​ជាតិ​ដើម​យ៉ាន់​ម៉ា​ម៉ា​ គឺ​តាម​រយៈ​អ្នក​រុក​រក​រ៉ែ​ដែល​បាន​ចូល​ទឹក​ដី​ជន​ជាតិ​ដើម​ភាគ​តិច​ដោយ​ខុស​ច្បាប់​៕

ប្រភព៖CNN

ផ្ដល់សិទ្ធិដោយ៖ khmernas

Feature Ads

Previous Post Next Post
Sponsor