header ads

Sponsor

ភ្នំពេញ៖ ធនាគារជាតិស្នើបន្ថែមទៀត ទៅគ្រឹះស្ថានហិរញ្ញវត្ថុទាំងអស់ឱ្យបន្ធូ​បន្ថយ​ថ្លៃសេវា និងលើកលែងការផាកពិន័យអតិថិជន នៅក្នុងអំឡុងពេលនៃ​ការរីករាល​ដាលជំងឺកូវីដ១៩នេះ។ នេះបើតាមលិខិតរបស់ធនាគារជាតិនៃកម្ពុជា ចុះថ្ងៃទី២០ ខែមេសា។

ធនាគារ ក៏បា​នវាយតម្លៃខ្ពស់ចំពោះកិច្ចខិតខំប្រឹងប្រែងរបស់គ្រឹះស្ថានធនាគារ និងហិរញ្ញវត្ថុ ក្នុងការដាក់ចេញវិធានការជួយពលរដ្ឋកន្លងមកដែរ ប៉ុន្តែក្នុងកាលៈ​ទេសៈបច្ចុប្បន្ននេះ វាតម្រូវឱ្យគ្រឹះស្ថានទាំងអស់ជួយបន្តដោះស្រាយបន្ថែមទៀត។

«ធនាគារជាតិនៃកម្ពុជាសុំការយោគយល់ពីគ្រប់គ្រឹះស្ថានធនាគារ និងហិរញ្ញវត្ថុ ផ្ដល់ការអនុគ្រោះបន្ថែមដល់អតិថិជន ដើម្បីជួយសម្រាលបន្ទុករបស់​ពួកគាត់មួយ​កម្រិតទៀត​ក្នុងគ្រា​លំបាកនេះ ដូចនេះ ការបន្ធូរបន្ថយកម្រៃ​សេវាផ្សេងៗពាក់ព័ន្ធនឹង​ឥណទាន និង/ឬ លើកលែងការផាកពិន័យផ្សេងៗចំពោះអតិថិជនរបស់ខ្លួន ចាប់ពីកាលបរិច្ឆេទនៃលិខិតនេះ រហូតដល់ដំណាច់ខែធ្នូ ឆ្នាំ២០២០»។ នេះជាការបញ្ជាក់របស់ធនាគារជាតិ។

ធនាគារជាតិ ក៏រំពឹងថា គ្រឹះស្ថានធនាគារ និងហិរញ្ញវត្ថុ សហការអនុវត្តឱ្យមាន​ប្រសិទ្ធភាពខ្ពស់ លើសំណើរនេះផងដែរ។

កន្លងមកធនាគារជាតិ ក៏បានស្នើឱ្យគ្រឹះស្ថានទាំងអស់ រៀបចំឥណទានឡើងវិញ ដើម្បីសម្រួលការលំបាករបស់ប្រជាពលរដ្ឋ ក្នុងអំឡុងពេលកូវីដ១៩នេះដែរ។ ក្រោយការស្នើសុំរបស់ធនាគារជាតិនេះ សមាគមគ្រឹះស្ថានហិរញ្ញវត្ថុ ក៏ប្រាប់ឱ្យព​លរដ្ឋរាយការណ៍ព័ត៌មានពិតពីបញ្ហាលំបាកខ្លួន ទៅគ្រឹះស្ថានដើម្បី​ទទួលបាន​ការអនុគ្រោះណាមួយ តាមរយៈការចរចាគ្នា៕

 

ផ្ដល់សិទ្ធិដោយ៖ khmernas

Feature Ads

Previous Post Next Post
Sponsor