សុខភាព
អាម៉ាប៉ាប៉ាញ៉ូសភ្នំពេញ៖ ប្រជាពលរដ្ឋកម្ពុជា ចំនួន២០៤នាក់ បានធ្វើដំណើរចេញពីប្រទេសម៉ាឡេស៊ី ត្រឡប់មកកាន់ប្រទេសកំណើតរបស់ខ្លួនវិញនៅល្ងាចនេះ ហើយក្រសួងសុខាភិបាល នឹងយកពួកគាត់ទៅធ្វើតេស្តយកសំណាក និងធ្វើចត្តាឡីស័ក រយៈពេល១៤ថ្ងៃ នៅវិទ្យាល័យជម្ពូវ័ន រាជធានីភ្នំពេញ។
នេះបើតាម លោកជំទាវ យក់ សម្បតិ្ត រដ្ឋលេខាធិការក្រសួងសុខាភិបាល បានឲ្យដឹងនៅ រសៀលថ្ងៃទី១៦ មិថុនា ២០២០នេះ។
លោកជំទាវ មានប្រសាសន៍ទៀតថា រាល់អ្នកដំណើរមកដល់ទាំងអស់ អ្នកត្រូវឆ្លងកាត់ម៉ាស៊ីនស្កេនតាមដានសីតុណ្ហភាពក្នុងខ្លួន (វីរុសកូរ៉ូណាប្រភេទថ្មី) Novel Coronavirus (2019n-Cov)។
ការធ្វើមាតុភូមិនិវត្តន៍របស់ប្រជាពលរដ្ឋខ្មែរទាំងនេះ បានធ្វើឡើងបន្ទាប់ពី លោក ចឺយ វិចិត្ត ឯកអគ្គរាជទូតកម្ពុជា ប្រចាំប្រទេសម៉ាឡេស៊ី បានជួបពិភាក្សាតាមរយៈ Teleconference ជាមួយលោក Eldeen Husaini ឯកអគ្គរដ្ឋទូតម៉ាឡេស៉ីប្រចាំកម្ពុជា និងតំណាងក្រុមហ៊ុនអាកាសចរណ៍ម៉ាឡេស៉ី កាលពីថ្ងៃទី១៥ ខែមិថុនា ឆ្នាំ២០២០ ដើម្បីរៀបចំជើងហោះហើរជូនពួកគាត់។