ចរាចរ
អាម៉ាប៉ាប៉ាញ៉ូសភ្នំពេញ ៖ ក្នុងរយៈពេលដ៏ខ្លីខាងមុខនេះ រដ្ឋបាលរាជធានីភ្នំពេញនឹងមានវិធានការ ដោយមិនអនុញ្ញាតឲ្យរថយន្តដឹកដី ដឹកខ្សាច់ ឆ្លងកាត់លើផ្លូវ៦០ម៉ែត្រ ចាប់ពីផ្លូវជាតិលេខ២៧១ ដល់ផ្លូវជាតិលេខ២ឡើយ ដើម្បីការពារកុំឲ្យកកស្ទះចរាចរណ៍ គ្រោះ.ថ្នាក់. ចរាចរណ៍ ដល់ប្រជាពលរដ្ឋដែលធ្វើដំណើរតាមដងផ្លូវ និងដើម្បីរក្សាផ្លូវនេះឲ្យស្អាត និងមានគុណភាពប្រើប្រាស់បានយូរ។
បើតាម លោក ឃួង ស្រេង អភិបាលរាជធានីភ្នំពេញ បានថ្លែងក្នុងកិច្ចប្រជុំមួយនារសៀលថ្ងៃទី១៩ ខែមិថុនា ឆ្នាំ២០២០នេះថា កំណាត់ផ្លូវ៦០ម៉ែត្រនេះ នឹងមិនអនុញ្ញាតឲ្យរថយន្តដឹកដី ដឹកខ្សាច់ឆ្លងកាត់ផ្លូវនេះទៀតទេ ប៉ុន្តែបង្វែរទិសពីការដឹកដី និងដឹកខ្សាច់ដោយរថយន្ត មកជាការបូមខ្សាច់ មកចាក់បំពេញនៅតំបន់នេះវិញ ។
សូមជម្រាបជូនថា របាយការណ៍របស់សមត្ថកិច្ចបានបញ្ជាក់ថា នៅក្នុងរយៈពេល៥ខែ ដើមឆ្នាំ២០២០នេះ នៅតាមផ្លូវ៦០ម៉ែត្រ ផ្ដើមពីរថយន្តដឹកដី ដឹកខ្សាច់ បានបង្កគ្រោះ.ថ្នាក់. ចរាចរណ៍ សម្លា. ប់ ប្រជាពលរដ្ឋ ៥នាក់ រ.បួស ធ្ងន់៧នាក់ និងស្រាល ២នាក់ ។
តែបេីតាមហេតុការណ៍ជាក់ស្ដែង ក៏មានបំផ្លាញទ្រព្យសម្បត្តិសាធារណៈដូចជាបង្គោលភ្លេីង និងផ្លូវ៣០ម៉ែត្រ ជិត៤០% ត្រូវរងការខូចខាត និងក្លាយជាសំបុកមាន់ផងដែរ៕