ទេសចរ
អាម៉ាប៉ាប៉ាញ៉ូសវត្ត ឈើខ្មៅត្រូវបានអ្នកស្រុកឯកភ្នំ ហៅ «ទួលអណ្តែត» មានអាយុកាលប្រមាណ១៣១ ឆ្នាំក្លាយជាកន្លែងទេសចរណ៍ដ៏ទាក់ទាញសម្រាប់ភ្ញៀវជាតិ និងអន្តរជាតិ ដែលមកកម្សាន្តនៅខេត្តបាត់ដំបង។
តាមការឲ្យដឹងរបស់មន្ទីរទេសចរណ៍ខេត្តបាត់ដំបង កាលពីថ្ងៃទី២៤ ខែមិថុនា ថា វត្ត ឈើខ្មៅស្ថិតតាមដងស្ទឹងសង្កែឆ្ពោះទៅកាន់ ភូមិកោះជីវាំង ឃុំព្រៃចាស់ ស្រុកឯកភ្នំ ខេត្តបាត់ដំបង ជាទួលសក្តិសិទ្ធិ និងជាកន្លែងទាក់ទាញភ្ញៀវទេសចរមកទស្សនាគ្រប់រដូកាល។ ភ្ញៀវទេសចរ អាចទស្សនាជុំរុំសត្វស្លាបទឹកព្រែកទាល់ ជិះកាណូតតាមដងស្ទឹង និងគយគនទេសភាពល្អឯកជាច្រើនទៀត។
មន្ទីរទេសចរណ៍ បញ្ជាក់ថា វត្តឈើខ្មៅ សាងសង់ទ្បើងនៅឆ្នាំ ១៨៨៧ ហើយព្រះវិហារវត្តឈើខ្មៅធ្វើទ្បើងពីរុក្ខជាតិឈើខ្មៅសុទ្ធសាធ។ ហើយទោះបីជាមានទឹកជំនន់ធំប៉ុណ្ណាក៍វត្តខ្មៅ ឬ «ទួលអណ្តែត»ពុំដែលលិចទ្បើយ។
បច្ចុប្បន្នប្រជាពលរដ្ឋរស់នៅតាមផ្ទះអណ្តែតទឹកស្ថិតក្នុង ឃុំព្រៃចាស់ និង ឃុំកោះជីវាំង ស្រុកឯកភ្នំ តែងតែនាំគ្នាធ្វើបុណ្យគោរពបូជា និងមានជំនឿលើបារមីរបស់ព្រះពុទ្ធរូបនៅក្នុងព្រះវិហារវត្តឈើខ្មៅឬទួលអណ្តែត៕
