សុខភាព
អាម៉ាប៉ាប៉ាញ៉ូសភ្នំពេញ៖ ក្រសួងសុខាភិបាល បានរកឃើញជំងឺកូវីដ១៩ លើពលរដ្ឋខ្មែរ៩នាក់ទៀត ដែលទើបមកពីប្រទេសអារ៉ាប់ប៊ីសាអូឌី នៅថ្ងៃទី១៤ កក្កដា។ អ្នកទាំង៩នាក់នេះ ត្រូវបានបញ្ជូនទៅសម្រាកព្យាបាលនៅមណ្ឌលសុខភាពចាក់អង្រែ រាជធានីភ្នំពេញ។
ក្រសួងសុខាភិបាល បានបញ្ជាក់ថា បុរសខ្មែរទាំង៩នាក់នេះ មកពីអារ៉ាប់បីសាអូឌីនេះ បានបន្តជើងហោះហើរពីម៉ាឡេស៊ី ហើយមកដល់កម្ពុជា កាលពីថ្ងៃទី១០ កក្កដា ។ ក្រសួងសុខាភិបាល បានរកឃើញមានជំងឺកូវីដ១៩ លើអ្នកទាំងនោះ ក្រោយពិនិត្យធ្វើតេស្តជាលើកទី២ កាលពីថ្ងៃទី១៣ កក្កដា។
ដោយឡែកអ្នកដំណើរ៧០នាក់ទៀត តាមជើងយន្តហោះជាមួយគ្នា ដែលឃើញអវិជ្ជមានកូវីដ១៩នោះ ត្រូវបានមន្ត្រីជំនាញ បញ្ជូនទៅមណ្ឌលចត្តាឡីស័កជម្ពូរវ័ន្តមួយ ក្នុងរាជធានីភ្នំពេញ ដើម្បីឱ្យពួកគេសម្រាក និងតាមដានសុខភាពរយៈពេល១៤ថ្ងៃ។ នេះបើតាមក្រសួងសុខាភិបាល។
គិតត្រឹមថ្ងៃទី១៤ កក្កដានេះ កម្ពុជាមានអ្នកជំងឺកូវីដ១៩ ចំនួន១៦៥នាក់ ក្នុងនោះជាសះស្បើយ ១៣៣នាក់។ បច្ចុប្បន្នអ្នកជំងឺកូវីដ១៩ ចំនួន៣២នាក់ កំពុងសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត និងមណ្ឌលសុខភាពចាក់អង្រែ រាជធានីភ្នំពេញ៕