សង្គម
អាម៉ាប៉ាប៉ាញ៉ូសបន្ទាយមានជ័យ៖ កម្លាំងនគរបាលព្រហ្មទណ្ឌក្រុងប៉ោយប៉ែត និងកម្លាំងការិយាល័យនគរបាលប្រឆាំងបទល្មើសសេដ្ឋកិច្ច ខេត្តបន្ទាយមានជ័យ បានចុះឆែកឆេររោងស្តុកទុកអីវ៉ាន់មួយកន្លែង រកឃើញមានគ្រឿងក្នុងជ្រូក ២០កេស ស្មើនឹង១តោន នាល្ងាចថ្ងៃទី១២ ខែកក្កដា ឆ្នាំ២០២០ នៅក្នុងរោងបាំងស័ង្កសីជិតមួយ ស្ថិតក្នុងភូមិមិត្តភាព សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។
លោក ធិន ស៊ិនដេត អធិការនគរបាលក្រុងប៉ោយប៉ែត បានឲ្យដឹងថា គ្រឿងក្នុងជ្រូកដែល សមត្ថកិច្ចបានឆែកឆេររកឃើញនេះ មានអណ្តាត ត្រចៀក ពោះ បេះដូង ប្រអប់ជើងជ្រូកសរុបមានចំនួន ២០កេស ស្មើនឹងទម្ងន់ ១ តោន សុទ្ធសឹងជារបស់មានជាតិគីមីទាំងអស់ ដែលទំនិញទាំងអស់នេះ អាចបង្កឲ្យប៉ះពាល់ដល់សុខភាពអ្នកទទួលទានយ៉ាងធ្ងន់ធ្ងរ។
លោកបន្តថា ម្ចាស់ស្តង់ និងវត្ថុតាងទាំងអស់ ក្រោយពីបានធ្វើកំណត់ហេតុរួច ខាងការិយាល័យជំនាញ បានបញ្ជូនទៅស្នងការការដ្ឋាននគរបាលខេត្តបន្ទាយមានជ័យ ដើម្បីអនុវត្តតាមនីតិវីធិច្បាប់៕
