សង្គម
អាម៉ាប៉ាប៉ាញ៉ូសភ្នំពេញ៖ ហេតុការណ៍ដ៏ហួសចិត្តមួយ បានកើតឡើងនៅចំណុចផ្ទះលេខ១៩៨A ផ្លូវព្រះនរោត្តម សង្កាត់ទន្លេបាសាក់ ខណ្ឌចំការមនរាជធានីភ្នំពេញ កាលពីវេលាម៉ោង១១ និង ៤០នាទីយប់ថ្ងៃទី១១ ខែកក្កដា ឆ្នាំ២០២០ ខណៈជនសង្ស័យម្នាក់ ត្រូវសមត្ថកិច្ចចាប់ខ្លួន ក្រោយពលរដ្ឋរាយការណ៍ថាបានធ្វើសកម្មភាពជាញឹកញាប់ លួចសម្លៀកបំពាក់នារីៗ ជាពិសេសនោះអាវក្នុង និងខោក្នុងតែម្ដង។
បុរសខាងលើនេះមានឈ្មោះ ព្រីង សំរស់ អាយុ ៣៤ ឆ្នាំ មុខរបរគ្មាន ស្នាក់នៅផ្ទះនៅភូមិ១០ សង្កាត់ទន្លេបាសាក់ ខណ្ឌចំការមន។
សមត្ថកិច្ចបានឲ្យដឹងថា នារីរងគ្រោះម្នាក់បានស្រែកឆោឡោឡើង លេចឮដល់ប្រជាពលរដ្ឋជិតខាង ដេញចាប់ប្រគល់ខ្លួនឲ្យសមត្ថកិច្ច បន្ទាប់ពីបានធ្វើសកម្មភាពលបចូលទៅលួចសម្លៀកបំពាក់របស់នាង អ្វីដែល ហួសចិត្តទៀតនោះ គឺនៅពេលសមត្ថកិច្ចសួរនាំ ជនសង្ស័យរូបនេះបានប្រាប់ថា រូបគេត្រូវបានជនមិនស្គាល់មុខធ្វើមន្តអាគមដាក់ ហើយតម្រូវឲ្យដើរលួចសម្លៀកកបំពាក់ស្រីៗ ជាពិសេសអាវក្នុង និងខោក្នុង ទើបអំពើនោះធ្វើមិនចូល៕
