សេដ្ឋកិច្ច
អាម៉ាប៉ាប៉ាញ៉ូសភ្នំពេញ៖ ជនសង្ស័យ២នាក់ បានធ្វើសកម្មភាពឆក់កាបូបពីបុរសម្នាក់បានសម្រេច តែត្រូវម្ចាស់ជិះឡានដេញតាម និងជ្រុលបុក បណ្តាលឲ្យស្លា.ប់ ម្នាក់នៅនឹងកន្លែង ដែលត្រូវបានដឹងថា ចោរស្រីតែងខ្លួនជាប្រុស រីឯដៃគូម្នាក់ទៀត ជិះរត់គេចខ្លួនបាត់ កាលពីវេលាម៉ោង ២ និង ២០ នាទី រសៀលថ្ងៃទី៨ ខែកក្កដា ឆ្នាំ២០២០ ស្ថិតនៅតាមបណ្ដោយផ្លូវហាណូយ ក្នុងសង្កាត់គោកឃ្លាង ខណ្ឌសែនសុខ រាជធានីភ្នំពេញ។
ម្ចាស់កាបូបត្រូវបានដឹងថាជាចៅក្រមខេត្តកោះកុង បានឲ្យដឹងថា រូបគាត់បានបើករថយន្តម៉ាក Highlander ពណ៌ស ពាក់ផ្លាកលេខ ភ្នំពេញ 2AF-7006 ក្នុងទិសដៅពីត្បូងទៅជើង ក្នុងបំណងទៅកាត់សក់នៅហាងមួយ ប៉ុន្តែ នៅពេលគាត់បើកទ្វារថយន្តបម្រុងដើរចូលទៅក្នុងហាងកាត់សក់ ស្រាប់តែមានជនសង្ស័យជាស្ត្រីតែងខ្លួនធ្វើជាប្រុសម្នាក់ បានជិះម៉ូតូម៉ាកឌ្រីមសង់សេ ១២៥ ស៊េរីឆ្នាំ២០១៩ មកពីក្រោយ ធ្វើសកម្មភាពឆក់កាបូបពីដៃគាត់បានសម្រេចតែម្តង ដែលក្នុងកាបូបនោះមានលុយជិត១ម៉ឺនដុល្លារឯណោះ។
ម្ចាស់កាបូបបន្តថា បន្ទាប់ពីឆក់រួច ចោរស្រីតែងខ្លួនជាប្រុសនោះបានជិះម៉ូតូគេចខ្លួនយ៉ាងលឿនតែម្តង ភ្លាមៗនោះ គាត់ក៏បានជិះឡានដេញតាម រហូតដល់ចំណុចកើតហេតុ ក៏បានវាក់នឹងរថយន្ត១គ្រឿងទៀតនៅខាងមុខ ហើយដោយសារខណៈពេលនោះបើកលឿនទៀត ក៏ជ្រុលទៅបុកម៉ូតូជនសង្ស័យពីក្រោយយ៉ាងពេញទំហឹង បណ្តាលឲ្យជនជាចោររូបនេះស្លា.ប់ ភ្លាមៗនៅហ្នឹងកន្លែងតែម្តង។
ទាក់ទងនឹងករណីគ្រោះថ្នាក់ចរាចរខាងលើនេះ ដូចគ្នានឹងករណី កាលពីថ្ងៃទី ១២ ខែ សីហា ឆ្នាំ ២០១៨ ដែលស្រ្តីជនជាតិចិន ឈ្មោះ ថាង យាន បានបេីកឡានដេញបុកចោរឆក់បណ្ដាលឲ្យស្លា,ប់ ត្រូវបានចៅក្រមឃុំខ្លួនដាក់ពន្ធនាគារ ពីបទ មនុស្សឃាតដោយអចេតនា ។
ជាសំណួរដែលមហាជនពឹងឲ្យរកចម្លើយ ដូចច្នេះ សុំសួរអ្នកច្បាប់បន្តិច មេត្តាជួយពន្យល់ផង ហេតុការណ៍ ២ ដូចគ្នានេះ តេីចៅក្រមមានទោសដូចករណី ស្រី្តជនជាតិចិន ដែរឬទេ ? បេីមានបងប្អូនអ្នកច្បាប់ណាដឹងជួយប្រាប់ផង សូមអរគុណ ។