បរទេស
អាម៉ាប៉ាប៉ាញ៉ូសប្រទេសហ្វីលីពីនបានប្រកាសនៅថ្ងៃទី២១កក្កដាថា នឹងបង្កើនការធ្វើតេស្តរកមេរោគឆ្លងថ្មីនៃជំងឺកូវីដ១៩ ខណៈអ្នកឆ្លងនិងស្លាប់ដោយសារជំងឺនេះកំពុងកើនឡើងយ៉ាងខ្លាំង ចាប់ពីលែងបិទប្រទេសកាលខែមិថុនាមក ខណៈលោកប្រធានាធិបតី Rodrigo Duterte ក៏បានគំរាមចាប់ខ្លួនពលរដ្ឋណាសដែលមិនពាក់ម៉ាស់។
រដ្ឋមន្រ្តីក្រសួងសុខាភិបាលលោក Francisco Duque បាននិយាយនៅក្នុងកិច្ចប្រជុំជាមួយលោក Duterte ថារដ្ឋាភិបាលមានគោលបំណងធ្វើតេស្តមនុស្សពី៣២.០០០ទៅ៤០.០០០នាក់ក្នុងមួយថ្ងៃ បើប្រៀបធៀបបច្ចុប្បន្ននេះ គឺបានធ្វើតេស្ដមនុស្សត្រឹម២០.០០០ទៅ ២៣.០០០ នាក់។
រហូតមកដល់ពេលនេះ ប្រទេសហ្វីលីពីនបានតេស្ដរកមេរោគឆ្លងលើមនុស្សជិត១លាន១សែននាក់ ប៉ុន្តែលោក Duque បាននិយាយថា គោលបំណងគឺធ្វើតេស្ដមនុស្សឱ្យបាន១០លាននាក់ឬជិតមួយភាគដប់នៃចំនួនប្រជាជនសរុបនៅត្រីមាសទី២នៃឆ្នាំក្រោយ។
ប្រទេសហ្វីលីពីនមានអ្នកស្លាប់ដោយសារជំងឺកូវីដសរុប១.៨៣៧នាក់ ក្នុងចំណោមអ្នកឆ្លងសុរបមានចំនួន៧០.៧៦៤ នាក់៕