header ads

ស្វែងយល់

អាម៉ាប៉ាប៉ាញ៉ូស

នេះបើយោងតាម លោក ម៉ៅ ពិសិដ្ឋ បានរៀបរាប់លើបណ្តាញសង្គម Facebook ថា៖ រូបភាពចុងក្រោយក្នុងជិវិតជាអ្នកបម្រើការងារក្នុងវិស័យកីឡា (ផ្សព្វផ្សាយពីកីឡាកម្ពុជា)។ វាពិតជារឿងគួរឱ្យសោកស្តាយណាស់ដែល FOX Sports ត្រូវដកចេញពីប្រទេសក្នុងតំបន់អាស៊ីអាគ្នេយ៍។ ក្រោយពីទិញយក FOX បានហើយ ក្រុមហ៊ុន Disney បានប្តូរយុទ្ធសាស្ត្រ ដោយលែងផ្តោតលើអត្ថបទកីឡា តែបង្វែរទិសទៅផ្តោតលើវីដេអូវិញដើម្បីអាចដាក់ពាណិជ្ជកម្មនៅលើវីដេអូបាន តែវីដេអូភាគច្រើនដែលពួកគេផ្តល់ឱ្យជាវីដេអូពាក់ព័ន្ធនឹងបទសម្ភាសន៍គ្រូបង្វឹក ដែលមិនទាក់ទាញអ្នកគាំទ្របាល់ទាត់យើងនោះទេ។

រូបភាពនៅលើបណ្តាញសង្គមរបស់លោក ម៉ៅ ពិសិដ្ឋ
រូបភាពនៅលើបណ្តាញសង្គមរបស់លោក ម៉ៅ ពិសិដ្ឋ
តាំងពីពេលនោះមក ពួកគេក៏បានឱ្យតំណាង FOX នៅតាមប្រទេសនីមួយៗរួមទាំងកម្ពុជាផងដែរ ផ្អាកផុសរូបភាពផ្សេងៗទាក់ទងនឹងកីឡានៅលើផេក FOX Sports Asia ដែលធ្វើឱ្យបាត់បង់ engagement ពីហ្វ៊ែន ព្រោះថាគ្មានហ្វ៊ែនឯណាចូលមកក្នុងផេកដើម្បីតែអានអត្ថបទវែងអន្លាយនោះទេ គឺវាទាមទារឱ្យមានធាតុផ្សំជាច្រើនមុខទៀត។

ជាចុងក្រោយ Disney បានសម្រេចបិទ FOX Sports Asia ចោលតែម្តង ដោយបង្វែទៅ ESPN ជាអង់គ្លេសវិញ ដែលមានន័យថាលែងមាន FOX Sports សម្រាប់ កម្ពុជា ថៃ ភូមា វៀតណាម ឥណ្ឌូនេស៊ី ម៉ាឡេស៊ី ជាដើម។ និយាយរួម FOX Sports Asia ត្រូវបានច្របាច់បញ្ចូលជាមួយ ESPN។ ការពិតខ្ញុំមិនមែនជាអ្នកជំនាញកីឡាអីនោះទេ តែការដែលខ្ញុំព្រមទទួលការងារនេះពី FOX គឺដោយយល់ថាវាជាឱកាសដែលខ្ញុំអាចជួយផ្សព្វផ្សាយពីកីឡាកម្ពុជា។ ក្នុងរយៈពេលជាង ៣ឆ្នាំនោះ យើងបានសរសេរអត្ថបទជាច្រើនដែលផ្សព្វផ្សាយពីវិស័យកីឡានៅកម្ពុជា ជាពិសេសគឺបាល់ទាត់ និងប្រដាល់។ ជាពិសេសគឺបានហែលឆ្លងកាត់ទឹករលក ផ្ទុះភ្លៀងជាច្រើន។

អរគុណកូនក្រុមទាំងអស់ដែលបានចូលរួមចំណែកក្នុងដំណើរវេងឆ្ងាយមួយនេះ ហើយក៏សុំទោសផងចំពោះចំណុចខ្វះខាតក្នុងការដឹកនាំរបស់ខ្ញុំ។

@Amapapa.News
លោកអ្នកអាចបញ្ចេញមតិនៅទីនេះ!

Feature Ads

Previous Post Next Post