អាជ្ញាធរខណ្ឌដូនពេញ ចុះបិទបារបារាំងមួយ ដែលបង្កសំលេងរំខាន តាមបណ្តឹងរបស់ប្រជាពលរដ្ឋជិតខាង

នៅល្ងាច ថ្ងៃ ទី១៩ ខែកក្កដា ឆ្នាំ២០២០ កម្លាំងគណៈបញ្ជាការឯកភាពខណ្ឌដូនពេញ ដឹកនាំដោយលោក សុខ ពេញវុធ អភិបាល នៃគណៈអភិបាលខណ្ឌដូនពេញ បានសម្រេចចុះបិទទីតាំងអាជីវកម្ម សេវាកម្ម Wild Orchid Bar មានទីតាំងផ្លូវលេខ១៣៦ ភូមិ១២ សង្កាត់ផ្សារកណ្តាលទី១ ខណ្ឌដូនពេញ ជាបណ្តោះអាសន្ន ។

 ដោយមូលហេតុ បង្កសំលេងរំខានដល់បងប្អូនប្រជាពលរដ្ឋរស់នៅជុំវិញទីតាំងខាងលើនេះ(ឈ្លោះប្រកែកគ្នាជារឿយៗ) និងមានពាក្យបណ្តឹងពីប្រជាពលរដ្ឋជិតខាង ។ ក្នុងប្រតិបត្តិការជាក់ស្តែង កម្លាំងគណៈបញ្ជាការឯកភាពរដ្ឋបាលខណ្ឌ សម្រេចបិទអាជីវកម្ម Wild Orchid Bar ជាបណ្ដោះអាសន្ន ដើម្បីជាការព្រមាន ក្នុងករណីនៅតែបន្តលួចលាក់បើកអាជីវកម្មខាងលើ បង្កសំលេងរំខានដល់បងប្អូនប្រជាពលរដ្ឋជិតខាងទៀត រដ្ឋបាលខណ្ឌ នឹងអនុវត្តវិធានការរដ្ឋបាល ចុះដកហូតសម្ភារៈផ្សេងៗ ដោយមិនទទួលខុសត្រូវរាល់ការខូចខាត ឬបាត់បង់ ព្រមទាំងឈានដល់ការបិទអាជីវកម្មស្ថាពរ បន្ថែមទៀត ៕