សេដ្ឋកិច្ច
អាម៉ាប៉ាប៉ាញ៉ូសលោក Lee Man-hee អាយុ៨៨ឆ្នាំ ជាប្រធាននិងស្ថាបនិកវិហានសាសនាគ្រឹស្ដShincheonji ស្ថិតក្នុងទីក្រុងDaegu ជាទីក្រុងផ្ទុះឡើងដំបូងជំងឺកូវីដ១៩នៅកូរ៉េខាងត្បូង ត្រូវបានចាប់ខ្លួននៅថ្ងៃសៅរ៌នេះ ពីបទបានរារាំងការខិតខំរបស់រដ្ឋាភិបាលក្នុងការទប់ស្កាត់ការរីករាលដាលនៃជំងឺនេះ និងស្របពេលដែលត្រូវពលរដ្ឋកូរ៉េស្ដីបន្ទោសជាបន្តបន្ទាប់។
មនុស្សដែលបានធ្វើដំណើរទៅចូលរួមពិធីសាសនាក្នុងព្រះវិហារគ្រឹស្ដ គឺមានចំនួនច្រើនជាងពាក់កណ្តាលនៃករណីឆ្លងជំងឺកូវីដ១៩ជាង ៤ពាន់នាក់កាលពីខែកុម្ភៈ គឺនៅពេលប្រទេសកូរ៉េខាងត្បូង កំពុងរងនូវការផ្ទុះឡើងដ៏អាក្រក់បំផុតមួយនៅលើពិភពលោក។
យោងតាមមជ្ឈមណ្ឌលគ្រប់គ្រងនិងបង្ការជំងឺកូរ៉េខាងត្បូងបានឱ្យដឹងថា គិតត្រឹមថ្ងៃទី១៩ខែកក្កដា អ្នកដែលជាប់ទាក់ទងនឹងព្រះវិហារនេះ មានចំនួន ៣៨ភាគរយនៃករណីឆ្លងជំងឺឆ្លងដែលបានបញ្ជាក់នៅក្នុងប្រទេស។
លោក លី ត្រូវបានគេចោទប្រកាន់ពីបទផ្តល់នូវតួលេខមិនត្រឹមត្រូវ អំពីការប្រមូលផ្ដុំមនុស្សនៅក្នុងព្រះវិហារ និងបញ្ជីឈ្មោះសមាជិកមិនពិតប្រាកដទៅអាជ្ញាធរសុខាភិបាល។ អ្នកនាំពាក្យតុលាការបានប្រាប់ AFP ថា គាត់ត្រូវបានគេនាំខ្លួនទៅឃុំខ្លួននៅព្រឹកថ្ងៃសៅរ៍ បន្ទាប់ពីតុលាការបានចេញដីកាចាប់ខ្លួននៅម៉ោង១ និង២០នាទីព្រឹក។
លោកលីក៏ត្រូវបានចោទប្រកាន់ពីបទកិបកេងប្រាក់ចំនួន៥,៦ពាន់លានវ៉ុន ឬស្មើ៤,៦៩ លានដុល្លារអាមេរិក ពីមូលនិធិព្រះវិហារ និងរៀបចំពិធីសាសនានៅតាមកន្លែងសាធារណៈដោយគ្មានការយល់ព្រម៕