សេដ្ឋកិច្ច
អាម៉ាប៉ាប៉ាញ៉ូសក្រសួងសុខាភិបាលបញ្ជាក់នៅថ្ងៃទី៣១កក្កដាថា នៅក្នុងកក្កដាកន្លងទៅនេះ ករណីជំងឺគ្រុនឈីកឬជំងឺឈីកគន់ហ្គន់យ៉ា បានកើតឡើងខេត្តចំនួន១២របស់ប្រទេសប្រទេសកម្ពុជា រួមមានខេត្ត សៀមរាប បន្ទាយមានជ័យ ព្រះវិហារ កំពង់ចាម ឧត្តរមានជ័យ ត្បូងឃ្មុំ តាកែវ កំពត ខេត្តព្រះសីហនុ ពោធិសាត់ ស្ទឹងត្រែង និងប៉ៃលិន ក្នុងនោះខេត្តសៀមរាប បន្ទាយមានជ័យ ព្រះវិហារ កំពង់ចាម បានកើតឡើងចំនួន៨០% ។
ក្រសួងបញ្ជាក់ថា ជំងឺគ្រុនឈីកបានកើតលើពលរដ្ឋចំនួន១០២០នាក់ ក្នុងនោះស្រ្តីមាន៥៦២នាក់ ។
លោក ម៉ម ប៊ុនហេង រដ្ឋមន្រ្តីក្រសួងសុខភិបាលបញ្ជាក់ថា ការបង្ការជំងឺគ្រុនឈីកគឺដូចគ្នានឹងការបង្ការជំងឺគ្រុនឈាមដែរ គឺត្រូវលុបបំបាត់វត្ថុដក់ទឹក ដែលជាជម្រកនៃការកកើតសត្វមូសខ្លាញី ត្រូវកម្ចាត់ដង្កូវទឹកន្លែងដែលមានទឹកដក់ដូចជា សំបកកង់ឡាន ម៉ូតូ ដប កំប៉ុង ត្រឡោកដូង កំប៉ុងកាហ្វេជ័រ និងវត្ថុផ្សេងៗទៀតត្រូវដុតឬកម្ទេចចោល។
នៅតាមគេហដ្ឋានត្រូវរៀបំទុកដាក់ឲ្យមានអនាម័យល្អជុំវិញផ្ទះ និងត្រូវមានពន្លឺថ្ងៃចេញចូលគ្រប់គ្រាន់ ត្រូវពាក់ខោអាវវែងៗ និងពេលយប់គេងក្នុងមុងជាប្រចាំ។ ប្រសិនបើមានរោគសញ្ញាក្ដៅខ្លួនខ្លាំងភ្លាមៗ កុំសាកល្បងព្យាបាលអ្នកជំងឺដោយខ្លួនឯង ឬព្យាបាលអ្នកជំងឺតាមសេវាឯងជនដែលគ្នានសមត្ថភាពផ្នែកជំងឺនេះឲ្យសោះ៕