header ads

សង្គម

អាម៉ាប៉ាប៉ាញ៉ូស

ភ្នំពេញ៖ ក្រោយពីមានក្រុមក្មេងៗចំនួន៤នាក់ ដែលអួតក្អេងក្អាង និងអះអាងថា ជា «កូនខ្លាអាវុធហត្ថខណ្ឌដូនពេញ» ឬអាចហៅយ៉ាងសាមញ្ញថា ភ្នាក់ងារសម្ងាត់ ជិះដេញតាមចង់កៀបស៊ីម៉ូតូរបស់ប្រជាពលរដ្ឋ តែមិនបានសម្រេចបង្កជាការភ្ញាក់ផ្អើល រួចឆ្លើយដោះសារថា ជារឿងយល់ច្រឡំនោះ ត្រូវបានប្រជាពលរដ្ឋមានការរិះគន់យ៉ាងខ្លាំង។

បញ្ហានេះ ប្រជាពលរដ្ឋ សង្ឃឹមថាលោកឧត្តមសេនីយ៍ឯក រ័ត្ន ស្រ៊ាង មេបញ្ជាការរងកងរាជអាវុធហត្ថលើផ្ទៃប្រទេស និង ជាមេបញ្ជាការកងរាជអាវុធរាជធានីភ្នំពេញ នឹងបើកការស៊ើបអង្កេត ករណីនេះផង ដើម្បីកុំឲ្យប្រជាពលរដ្ឋ មានអារម្មណ៍មិនល្អ លើកឡើងទៅលើអាវុធហត្ថ ព្រោះតែជនខិលខូចមួយចំនួនតូច ដែលអាចធ្វើឲ្យអាប់ឱនដល់កេរ្តិ៍ឈ្មោះដ៏ល្អ របស់កងរាជអាវុធហត្ថទាំងអស់ ។

សូមជម្រាបជូនថា យុវជន​៤នាក់​ អះអាងថាជា​កូន​ខ្លា​អាវុធហត្ថ​ខណ្ឌ​ដូនពេញ​ ជិះ​ម៉ូតូ​​ឌ្រីម​សង់​​ ​២គ្រឿង​ មួយគ្មាន​ស្លាក​លេខ​ និង​ពាក់ស្លាក​លេខ​ក្លែងក្លាយគ្មាន​កញ្ចក់​​ គ្មាន​ឯក​សណ្ឋាន​ និង​កាត​សម្គាល់​ខ្លួន​ ប្រដាប់​ដោយ​វិទ្យុ​ទាក់ទងID ​ជាប់​និង​ចង្កេះ​ បាន​ឌុបគ្នាប្រដេញ​តាមបុរស២នាក់​ ពី​ក្នុង​ទឹកដីកោះ​ពេជ្រ​ រហូតដល់មុខ​ភោជនីយដ្ឋាន​ D​O​S ចោទថាជាជនសង្ស័យ (​មិនមាន​បទ​ល្មេីសអ្វីចោទប្រកាន់​ច្បាស់​លាស់​) ផ្អើល​ពេញក្នុង​សង្កាត់​ទន្លេ​បាសាក់​ ទេីបត្រូវបាន​កម្លាំង​ចម្រុះខណ្ឌចំការមន​ មានទាំងអាវុធហត្ថ​ និងនគរបាលខណ្ឌ+ប៉ុស្តិ៍ទន្លេបាសាក់​ រួមទាំងស្មាត់ P1 ចេញជួយអន្តរាគមន៍ ក៏ឃាត់ខ្លួន​នាំមក​កាន់​ប៉ុស្តិ៍​នគរបាល​ធ្វើ​ការ​សាកសួរ​នាំ​....កាល​ពី​វេលា​ម៉ោង០០:៥០នាទី​យប់​ ររំលងអធ្រាត្រឈានចូលថ្ងៃទី១ ​ខែ​សីហា​ ឆ្នាំ​២០២០នេះ​ នៅ​​មុខ​ភោជនីយដ្ឋាន​ D​O​S លើផ្លូវ​សបិត​ ស្ថិតក្នុងសង្កាត់​ទន្លេបាសាក់​ ខណ្ឌ​ចំការមន​ រាជធានី​ភ្នំពេញ​ ។

បន្ទាប់​ពី​ សួរ​នាំ​នៅ​ប៉ុស្តិ៍​នគរបាល​ រួចរាល់​ទេីបដឹងថា​ ជារឿង​យល់​ច្រឡំ​គ្នា​ ហើយ​ក៏​មាន ​វត្តមាន​កម្លាំង​អាវុធហត្ថ​ខណ្ឌ​ដូនពេញ​បាន​ចេញ​មុខ​សុំទោស​ចំពោះ​កំហុស​កូន​ចៅ​ខ្លួន​ ដោយ​មាន​ការ​យោគយល់​និង​អធ្យាស្រ័យ​ សមត្ថកិច្ច​ប៉ុស្តិ៍​នគរបាល​ទន្លេ​បាសាក់​ ក៏​បាន​ធ្វើ​ការ​អប់​រំ​ និង​អោយ​កម្លាំង​អាវុធហត្ថ​ខណ្ឌ​ដូនពេញ​ធានា​ខ្លួន​យុវជន​ទាំង​បួន​នាក់​ត្រលប់​ទៅ​វិញ។

សមត្ថកិច្ច អះអាងថា ក្រុម «កូនខ្លាអាវុធហត្ថខណ្ឌដូនពេញ» ទាំង៤នាក់ នេះមានឈ្មោះ ៖

ទី១,ឈ្មោះ លឹម ជីវ័ន្ត ហៅខួច អាយុ១៨ឆ្នាំ ជាសិស្សថ្នាក់ ទី១១ ស្នាក់នៅផ្ទះលេខ២៩ ផ្លូវជាតិលេខ៣ សង្កាត់ចោមចៅ១ ខណ្ឌពោធិ៍សែនជ័យ ។

ទី២,ឈ្មោះ ហាក់ ភារ៉ា អាយុ២៨ឆ្នាំ មុខរបរលក់ម៉ូតូ ស្នាក់ផ្ទះលេខ10D ភូមិព្រៃទា សង្កាត់ចោមចៅ១ ខណ្ឌ ពោធិ៍សែនជ័យ ។

ទី៣,ឈ្មោះ កែវ តារាសិរីវឌ្ឍ អាយុ២២ឆ្នាំ ជានិស្សិតឆ្នាំទី៤ ។

ទី៤,ឈ្មោះ ទី វីរៈ អាយុ២០ឆ្នាំ ជាសិស្ស ថ្នាក់ទី១១ ស្នាក់នៅផ្ទះលេខ១០៨ ផ្លូវលេខ១៣០ សង្កាត់ផ្សារកណ្ដាល២ ខណ្ឌដូនពេញ ។

@Amapapa.News
លោកអ្នកអាចបញ្ចេញមតិនៅទីនេះ!

Feature Ads

Previous Post Next Post