header ads

Sponsor

សេដ្ឋកិច្ច

អាម៉ាប៉ាប៉ាញ៉ូស

(ភ្នំពេញ)៖ ប្រៃសណីយ៍កម្ពុជា បានចាប់ផ្តើមទទួលបញ្ញើឡើងវិញនៅថ្ងៃទី០៣ ខែសីហា ឆ្នាំ២០២០តទៅ បន្ទាប់ពីផ្អាកអស់រយៈពេលជាច្រើនខែ ដោយសារការរីករាលដាលនៃជំងឺកូវីដ១៩។

ប្រៃសណីយ៍កម្ពុជា បានឲ្យដឹងថា ប្រទេសដែលអាចទទួលបញ្ញើបានមានដូចជា អូស្ត្រាលី ចិន ជប៉ុន កូរ៉េ អ៊ីស្រ្តាអែល សិង្ហបុរី អារ៉ាប់ វៀតណាម ថៃ អូទ្រីស បែលហ្សិក ដាណឺម៉ាក ហ្វាំង​ឡង់ ស្វីស បារាំង អាល្លឺម៉ង់ អ៊ីតាលី ហុល្លង់ ណវែ ប៉ូឡូញ ស៊ុយអែត អង់គ្លេស និងអេស៉្បាយ សហរដ្ឋអាមេរិច និងកាណាដា ។

លោក អោក បូរ៉ា ប្រតិភូរាជរដ្ឋាភិបាលទទួលបន្ទុកជាអគ្គនាយក ប្រៃសណីយ៍កម្ពុជា បានឲ្យដឹងថា ការសម្រេចទទួលបញ្ញើឡើងវិញនេះ បន្ទាប់ពីប្រៃសណីយ៍កម្ពុជា បានចរចាជា​មួយ​ក្រុមហ៊ុនយន្តហោះដឹកជញ្ជូនទំនិញរួចរាល់ ។

លោកបន្តថា បើទោះបីមិនទាន់បើកដំណើរការគ្រប់ប្រទេសទាំងអស់ក៏ពិតមែន ប៉ុន្តែមានចំនួនប្រទេសច្រើនដែលទទួលបញ្ញើបាន ពិសេសនៅអឺរ៉ុប អាមេរិក អូស្ត្រាលីជា​ដើម​។​

គូរម្លឹកថា កាលពីថ្ងៃទី១៨ ខែមេសា ឆ្នាំ២០២០ ប្រៃសណីយ៍កម្ពុជា បានសម្រេចផ្អាកការទទួលបញ្ញើ ផ្ញើឥវ៉ាន់ទៅគ្រប់ប្រទេសទាំងអស់ ដោយសារតែវិបត្ត COVID-19 កំពុងរាត​ត្បាត​ ធ្វើឲ្យការដឹកជញ្ជូនតាមផ្លូវអាកាស ត្រូវបានអាក់ខានស្ទើរទាំងស្រុង៕

@Amapapa.News

ហាមដាច់ខាតការយកអត្ថបទទៅចុះផ្សាយឡើងវិញ ឬអានធ្វើជាវីដេអូដោយគ្មានការអនុញ្ញាត!

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post