មហាជនកំពុងរង់ចាំសមត្ថកិច្ចបំបែកក្ដី ករណីឃាតកម្ម ចាក់សម្លាប់កម្មការិនីរោងចក្រម្នាក់ ក្នុងតំបន់សេដ្ឋកិច្ចពិសេសភ្នំពេញទាំងថ្ងៃភ្លឺចែស

ភ្នំពេញ ៖ នៅព្រឹកថ្ងៃទី២៨ ខែសីហា ឆ្នាំ២០២០នេះ ព្រះអាទិត្យបញ្ចេញពន្លឺថ្ងៃភ្លឺចែស នៅតាមផ្លូវចូលតំបន់សេដ្ឋកិច្ចពិសេសភ្នំពេញ ក្នុងខណ្ឌកំបូល រាជធានីភ្នំពេញ មានករណីឃាតកម្មចាក់សម្លាប់កម្មការិនីរោងចក្រម្នាក់ បណ្តាលឲ្យស្លាប់ភ្លាមៗនៅកន្លែងកើតហេតុ ក្នុងថ្លុកឈាមជាមួយនឹងកាបូបជាប់នឹងខ្លួន និងមានកូនកាំបិតចុងស្រួចនៅជិតនោះ។

បើតាមសមត្ថិច្ចបានឲ្យដឹងថា កម្មការិនីរងគ្រោះមានឈ្មោះ យឺន ស្រីនី បម្រើការងារក្នុងរោងចក្រ Minebea ស្ថិតក្នុងតំបន់សេដ្ឋកិច្ចពិសេសភ្នំពេញ យ៉ាងណាក៏ដោយសមត្ថកិច្ចមិនទាន់សន្និដ្ឋានថា ករណីឃាតកម្មនេះ ជាការសម្លាប់ដោយសារគំនុំ ឬក៏ជាការឆក់ ប្លន់ មិនបានសម្រេចនោះទេ ខណៈមហាជនកំពុងរង់ចាំមើលសមត្ថកិច្ចបំបែកក្ដីឃាតកម្មដ៏សាហាវនេះ៕