header ads

សង្គម

អាម៉ាប៉ាប៉ាញ៉ូស

មនុស្សចំនួន១៥នាក់ត្រូវបានជួយសង្គ្រោះដោយទូកនេសាទ ហើយបានដឹកជន​រង​គ្រោះ​មក​កាន់​មន្ទីរ​ពេទ្យ​ខេត្ត​ព្រះសីហនុតាមដានសុខភាព។

កាលពីម៉ោង៥ល្ងាចថ្ងៃទី០១ ខែសីហា មានករណីទូកនេសាទត្រីពណ៌ខៀវបានលិច នៅចំណុច​ក្បែរ​ច្រាំង​ភូមិដើមថ្កូវ​ សង្កាត់កោះរ៉ុង​ ក្រុងកោះរ៉ុង​ ខេត្តព្រះសីហនុ នៅពេល​កំពុង​ធ្វើ​ដំណើ​រ​ចេញ​ពី​ក្រុង​ព្រះ​សី​ហ​នុ ទៅភូមិសុខសាន្ត​ សង្កាត់កោះរ៉ុង​ ក្រុងកោះរ៉ុង​ ខេត្តព្រះសីហនុ ដើម្បី​ចូល​រួម​កម្ម​វិធី​ខួប​កំណើត​នៅ​ទី​នោះ។

ជនរងគ្រោះម្នា​ក់បាននិយាយថា មូលហេតុដែលបណ្តាលអោយលិចទូក គឺបណ្ដាលមក​ពី​ខូច​ប្រព័ន្ធ​បូម​ទឹក រួច​ត្រូវ​ទឹករលកខ្លាំងបោកបណ្តាលអោយធ្លុះក្តាផ្នែកខាងមុខ។

នៅក្នុងករណីនេះ ប៉ូលីសខេត្តក៏បានបញ្ជូនកម្លាំងទៅជួយសង្គ្រោះ បន្ទាប់ពីទទួល​បាន​ដំណឹង​ពី​អ្នក​នេ​សាទ​។

រដ្ឋបាលខេត្តព្រះសីហនុបានអំពាវនាវឱ្យផ្អាកការធ្វើដំណើរតាមផ្លូវទឹកចាប់ពីថ្ងៃទី១ដល់ថ្ងៃទី៥ខែសីហា ដោយសារអំឡុងពេលនេះ នៅលើផ្ទៃសមុទ្រនឹងមានភ្លៀងធ្លាក់និងខ្យល់បោកបក់ខ្លាំង ដែ​ល​អាច​បណ្ដាល​ឱ្យមានគ្រោះថ្នាក់កើតឡើងជាយថាហេតុ៕

@Amapapa.News
លោកអ្នកអាចបញ្ចេញមតិនៅទីនេះ!

Feature Ads

Previous Post Next Post