√ សមត្ថកិច្ចចាប់ខ្លួនហើយ ក្រោយប្តីប្រពន្ធខ្មែរឥស្លាម ដង្ហើយរកយុត្តិធម៌ ខណៈមានឈ្មោះ ម៉ាត់ យូសុះ ហៅ ជួប ថាន់ អះអាងថា ជាអង្គរក្សសម្តេច ដកកាំភ្លើងបម្រុងធ្វេីឃាត

ត្បូងឃ្មុំ៖ ក្រោយពីមានពលរដ្ឋខ្មែរឥស្លាមដង្ហើយរកយុត្តិធម៌ លោកស័ក្តិ៥ ម៉ាត់ យូសុះ ហៅ ជួប ថាន់ ត្រូវបានសមត្ថកិច្ចចាប់ខ្លួន ហើយបញ្ជូនទៅបញ្ជាការដ្ឋានកងរាជអាវុធហត្ថខេត្តត្បូងឃ្មុំ ដើម្បីសាកសួរ ករណីប្រើអំពើហិង្សា និងដកកាំភ្លើងគំរាមកំហែងប្រជាពលរដ្ឋ ។

ព័ត៌មានដ៏កក្រើកមួយនេះ ត្រូវបានលោក ហ៊ីង ប៊ុនហៀង អគ្គមេបញ្ជាការរង នៃកងយោធពលខេមរភូមិន្ទ និង ជាមេបញ្ជាការនៃបញ្ជាការដ្ឋានអង្គរក្ស បានជ្រាបរួចហើយដែរ ។

ទោះបីយ៉ាងនេះក្ដីអ្នកសារព៏ត៌មាន មិនអាចសុំការបំភ្លឺបានពីលោក វ៉ា សារិទ្ធ មេបញ្ជាការកងរាជអាវុធហត្ថខេត្តត្បូងឃ្មុំ ដើម្បីបញ្ជាក់បន្ថែម ដោយលោកថា «កំពុងជាប់ប្រជុំ» រួចក៏បិទទូរស័ព្ទ តែម្តង ។

សូមជម្រាបជូនថា គណនីហ្វេសប៊ុកមួយឈ្មោះ «Saret Mouslem» បានបង្ហោះកាលពីយប់ថ្ងៃទី៦ ខែកញ្ញា ឆ្នាំ២០២០ ថា

«សូមសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ជាទីគោរពដ៏ខ្ពង់ខ្ពស់បំផុត ជួយកូនចៅផង ។ នៅម៉ោង៦ល្ងាច ថ្ងៃទី៦ ខែកញ្ញា ឆ្នាំ២០២០ អង្គរក្សសម្តេច ស័ក្តិ៥ ឈ្មោះ ម៉ាត់ យូសុះ ហៅ ជួប ថាន់ បានយកកាំភ្លើងនិងដំបង ប្រុងធ្វើឃាតខ្ញុំពីរនាក់ប្តីប្រពន្ធ នៅភូមិបេងថ្មី ឃុំសេដា ស្រុកតំបែរ ត្បូងឃ្មុំ ធ្វើអោយប្រពន្ធខ្ញុំមានរបួស»។