សេដ្ឋកិច្ច
អាម៉ាប៉ាប៉ាញ៉ូស
មុននេះបន្តិច ព្រឹកថ្ងៃទី ១៤ ខែកញ្ញា ឆ្នាំ ២០២០នេះ មានករណីក្តៅខ្លួន លើសពី (>៣៧,៥) និងអាការៈ ក្អក ហៀរសំបោរ រយៈពេល៦ថ្ងៃហើយ កើតមានចំពោះព្រះសង្ឃចំនួន 46 អង្គ គង់នៅវត្តស្វាយដង្គំ ស្រុកឯកភ្នំ ដែលនិមន្តមកពីតាមខេត្តនានា ដើម្បីសិក្សានៅសាលាពុទ្ធិកបឋមសិក្សា ក្នុងវត្តនេះ។
នេះបើយោងតាមរយៈផេគផ្លូវការរបស់មន្ទីរសុខាភិបាលខេត្ត បាត់ដំបង។
ផេគដដែលបានបញ្ជាក់បន្ថែមទៀតថា ព្រះសង្គម មានព្រះជន្ម ពី១១-១៩ព្រះវស្សា ដែលកំពុងលទទួលការព្យាបាលបានធូរស្រាលខ្លះៗហើយ។
បន្ទាប់ពីទទួលបានព័ត៌មាន និងការណែនាំរបស់ឯកឧត្តម ងួន រតនៈ អភិបាលខេត្តបាត់ដំបង នៅវេលាម៉ោងជាង ១៩ យប់នេះក្រុមការងារ RRT មន្ទីរសុខាភិបាលខេត្តដឹកនាំដោយលោកវេជ្ជបណ្ឌិត អ៊ុក វិទ្យា អនុប្រធានមន្ទីរ លោកប្រធានស្រុកប្រតិបត្តិសង្កែ និងសហការី បានចុះពិនិត្យ និងយកសំណាកចំនួន 21អង្គ ចំពោះព្រះសង្ឃដែលនៅមានកម្តៅ ហេីយថ្ងៃស្អែក ក្រុមការងារនឹងបន្តចុះយកសំណាកទៀត។
ក្រុមការងារបានណែនាំ លោកអាចារ្យ គណៈគ្រប់គ្រងសាលាពុទ្ធិកៈ ឱ្យចេះអនុវត្តនូវវិធានអនាម័យការពារខ្លួន ពាក់ម៉ាស់ ឆាន់ទឹកក្តៅ។ ការកំណត់ស្ថានភាពរួមជាបឋមមិនមានភាពធ្ងន់ធ្ងរទេ ប៉ុន្តែយើងត្រូវបន្តតាមដានដោយយកចិត្តទុកដាក់ជាបន្តទៀត ហេីយបេសកកម្មត្រូវបានបញ្ចប់នៅម៉ោង ២៣។
Crédit:Dr. Bunreth Voeurng, [Sep 13, 2020 at 11:05 PM] សូមអរគុណៗ!
