សង្គម
អាម៉ាប៉ាប៉ាញ៉ូស
ភ្នំពេញ ៖ ក្រុមការងារតាមដានអំពីការដោះស្រាយចំពោះមតិ យោបល់ ឬសំណូមពររបស់មហាជនក្នុងគេហទំព័រ ហ្វេសប៊ុកសម្តេចក្រឡាហោម ស ខេង បានចេញសេចក្ដីបំភ្លឺព័ត៌មានមួយនៅព្រឹកថ្ងៃទី ០៥ ខែ កញ្ញា ឆ្នាំ២០២០នេះ ។
សេចក្ដីបំភ្លឺបាន បដិសេធចំពោះខ្លឹមសារអត្ថាធិប្បាយផ្សាយផ្ទាល់ លើគេហទំព័រហ្វេសប៊ុក របស់លោក ផែង វណ្ណៈ នាយប់ថ្ងៃទី០៤ ខែកញ្ញា ឆ្នាំ២០២០ ដែលបាន លើកឡើងថា ក្រុមការងារតាមដានមតិ យោបល់ ឬសំណូមពររបស់មហាជនក្នុងគេហទំព័ររបស់សម្តេចក្រឡាហោម បង្កើតឡើងដើម្បីភូតកុហកប្រជាជន...និងឃុបឃិតបិទបាំងព័ត៌មាននោះ ហើយយ៉េងខ្ញុំសូមចាត់ទុកថា ជាការអត្ថាធិប្បាយ ខ្វះមូលដ្ឋានស៊ើបបញ្ជាក់ច្បាស់លាស់។
ក្នុងសេចក្ដីបំភ្លឺ បានលើកឡើយបន្តថា ពាក់ព័ន្ធនឹងករណី លោកតា អ៊ិន ឆេង នេះ អង្គភាពមានសមត្ថកិច្ចចំណុះក្រសួង មហាផ្ទៃ បានចាត់ចែងតាមគោលការណ៍ណែនាំរបស់ថ្នាក់ដឹកនាំក្រសួងទៅតាមនីតិវិធីជាធរមានហើយ។
ក្រុមការងារតាមដានអំពីការដោះស្រាយចំពោះមតិ យោបល់ ឬសំណូមពររបស់មហាជន បាននិងកំពុងខិតខំប្រមូលបញ្ហាមិនប្រក្រតី មតិ យោបល់ ឬសំណូមពររបស់ មហាជនក្នុងគេហទំព័រ សម្តេចក្រឡាហោម និងបានផ្តើមយោបល់ស្នើសុំការសម្រេចពីសម្តេចដាក់ជូនអគ្គនាយកដ្ឋាន
ជំនាញពាក់ព័ន្ធ ចំណុះក្រសួងមហាផ្ទៃ ធ្វើការស្រាវជ្រាវ ប្រមូលព័ត៌មាន និងធ្វើការដោះស្រាយ ឆ្លើយតបបញ្ហាទាំងនោះ បានមួយចំនួនធំ ពិសេសពាក់ព័ន្ធជាមួយនឹងការរក្សាសន្តិសុខ សណ្តាប់ធ្នាប់សាធារណៈ និងសុវត្ថិភាពសង្គម ព្រមទាំង ការអនុវត្តគោលនយោបាយភូមិឃុំមានសុវត្ថិភាព សំដៅចូលរួមចំណែកស្វែងរកយុត្តិធម៌សង្គម។ លទ្ធផលការងារ របស់យើងខ្ញុំ ទទួលបានការលើកសរសើរពីថ្នាក់ដឹកនាំ និងប្រជាពលរដ្ឋផងដែរ។ ពាក់ព័ន្ធជាមួយនឹងបញ្ហាវិវាទដីធ្លី គឺជា បញ្ហាមួយស្មុគស្មាញដែលត្រូវធ្វើការស្រាវជ្រាវ ប្រមូលព័ត៌មាន និងវត្ថុតាងជាឯកសារគតិយុត្តពាក់ព័ន្ធពិសេសត្រូវដោះស្រាយ ដោយប្រើប្រាស់បទដ្ឋានច្បាប់ និងបទដ្ឋានក្រោមច្បាប់ (ដោះស្រាយកម្រិតអាជ្ញាធរមូលដ្ឋាន ឬស្ថាប័នតុលាការ)។
សូមជម្រាបជូនថាពាក់ព័ន្ធនឹងករណីលោកផែង វណ្ណៈ បានលើកឡើងថា ឃេីញក្រសួងមហាផ្ទៃ បង្កេីត ក្រុមការងារតាមដានការដោះស្រាយមតិ យោបល់ សំណូមពររបស់មហាជន ខ្ញុំខំតែអរ ឥលូវប្រជាពលរដ្ឋនៅតែវេទនាដដែល ។
លិខិតមួយជាង ២ ឆ្នាំ ហើយ មិនដឹងថាមន្រ្តីក្រសួងមហាផ្ទៃ យកទៅទុកនៅឯណា ហេីយពេលណាទេីបឆ្លេីយតបទៅប្រជាពលរដ្ឋ ?
ឥលូវប្រជាពលរដ្ឋប្ដឹងចូលដល់ផេក ហ្វេសប៊ុក សម្ដេចក្រឡាហោម ស ខេង ទៀតនៅតែគ្មានចម្លេីយ ។ តេីអោយប្រជាពលរដ្ឋរំពឹងទៅលេីអ្វី ?
ពេលខ្លះពលរដ្ឋឈឺចាប់ពេក ទ្រាំមិនបានស្រែកបង្ហោះតាម ហ្វេសប៊ុក ចោទពលរដ្ឋថាបក្សប្រឆាំងក៏មាន ។ ទង្វើអសកម្មរបស់មន្ត្រីតាមស្ថាប័នខ្លះ ជាថ្នាំប៉ូវដ៏ស័ក្តិសិទ្ធអោយបក្សប្រឆាំងនៅមានថាមពលមិនចេះរីងស្ងួត ។
