header ads

សេដ្ឋកិច្ច

អាម៉ាប៉ាប៉ាញ៉ូស

ក្រសួងពាណិជ្ជកម្មសហរដ្ឋអាមេរិក បានចេញបញ្ជាមួយនៅថ្ងៃសុក្រនេះ ដើម្បី​ហាម​ឃាត់​​ពល​រដ្ឋ​ក្នុង​ប្រទេស​ខ្លួន ក្នុងការទាញយកឬហៅថា downloads កម្មវិធីផ្ញើ​សារ​We​Chat និងកម្មវិធីចែកចាយវីដេអូតាមរយៈTikTok របស់​ប្រទេសចិន​ចាប់​ពី​ថ្ងៃ​អាទិត្យ​ទី​២០​កញ្ញានេះទៅ ដរាបណាមានការសម្រេចជាថ្មីពីប្រធានាធិបតីលោក ដូ​ណាល់ ត្រាំ។

រដ្ឋបាលលោក ត្រាំ បាននិយាយថា កម្មវិធីរបស់ក្រុមហ៊ុនទាំងពីររបស់ចិននេះ គំរាម​កំហែង​ដល់សន្តិ​សុខ​ជាតិ​អា​មេ​រិក ហើយអាចបញ្ជូនទិន្នន័យអ្នកប្រើប្រាស់ទៅ​រដ្ឋា​ភិ​បាល​ចិន។ ប៉ុន្តែរដ្ឋអំណាចចិន​និង​ក្រុម​ហ៊ុន​របស់​ខ្លួន​ទាំង​ពីរ បានបដិសេធការអះ​អាង​របស់​ភាគីអាមេរិកនេះ។

ស្របពេលដែលរដ្ឋាភិបាលអាមេរិកនិយាយថា នេះជាបញ្ហាសន្តិសុខជាតិ ក្រុមហ៊ុន TikTok ក៏បានអះអាងថា បទបញ្ជារបស់រដ្ឋាភិបាលអាមេរិនៅពេលនេះ គឺធ្វើ​ឡើង​ដោយ​សាររឿងនយោបាយ។

WeChat នឹងត្រូវបិទលែងប្រើប្រាស់បាននៅសហរដ្ឋអាមេរិកចាប់ពីថ្ងៃអាទិត្យនេះ ប៉ុន្តែ​ពលរដ្ឋរស់នៅ​អា​មេ​រិក​នៅ​តែ​អាច​ប្រើ TikTok ដូចធម្មតារហូតដល់ថ្ងៃទី១២ ខែវិច្ឆិកា រហូត​ដល់ពេលត្រូវហាមឃាត់ទាំងស្រុង។

ប្រសិនបើភាពជាដៃគូដែលបានគ្រោងទុករវាងក្រុមហ៊ុនអាមេរិក Oracle និងក្រុមហ៊ុន TikTok ByteDance របស់​ចិនព្រមព្រៀងគ្នា ហើយទទួលបានការយល់ព្រម​ពី​ប្រធា​នា​ធិបតី ត្រាំ នោះកម្មវិធី​TikTokនឹ​ង​មិន​ត្រូវ​បាន​ហាម​ឃាត់ឡើយ។

ប៉ុន្តែគេមិនទាន់ដឹងច្បាស់​ថា តើលោក ត្រាំ នឹងទទួលយកកិច្ចព្រមព្រៀង​របស់​ក្រុម​ហ៊ុន​ទាំង​ពីរ​នេះឬទេ ដោយគេគ្រាន់តែរំពឹងថា គាត់នឹង​ពិនិត្យ​មើល​វា​ឡើង​វិញ​មុន​ថ្ងៃ​ផុត​កំណត់​​គឺ​ថ្ងៃ​អាទិត្យ​នេះ​។

កម្មវិធី TikTok មានអ្នកប្រើប្រាស់រាប់លាននាក់នៅអាមេរិក ប៉ុន្តែ WeChat វិញ​ដែល​អះ​អាង​ថាមានអ្នក​ប្រើ​ប្រាស់​រាប់​ពាន់នាក់ គឺមិនទាន់ដឹងថា មានអ្នកប្រើប្រាស់នៅសហរដ្ឋ​អាមេរិកប៉ុន្មាននាក់ឡើយ។

រដ្ឋាភិបាលឥណ្ឌាក៏បានហាមឃាត់ការប្រើប្រាស់ TikTok និង WeChat រួចហើយរួម​ទាំង​កម្មវិធីរបស់ប្រទេស​ចិន​រាប់​សិបទៀត។ រដ្ឋាភិបាលនៅក្នុងទីក្រុងដេលីបាននិយាយ​ថា កម្មវិធីទាំងនេះ បានធ្វើឱ្យប៉ះពាល់​អធិ​បតេយ្យ​ភាព បុរណភាពទឹកដីការពារជាតិ សន្តិ​សុខ និងសណ្តាប់ធ្នាប់សាធារណៈរបស់ប្រទេសឥណ្ឌា៕

@Amapapa.News
លោកអ្នកអាចបញ្ចេញមតិនៅទីនេះ!

Feature Ads

Previous Post Next Post