ទឹកជំនន់និងការបាក់ដីធ្ងន់ធ្ងរដែលបង្កឡើងដោយភ្លៀងធ្លាក់ខ្លាំង បានវាយប្រហារនៅតំបន់ភាគកណ្តាលប្រទេសវៀតណាម ដោយធ្វើឱ្យមនុស្សស្លាប់យ៉ាងហោចណាស់២០នាក់និង១៤នាក់ទៀតកំពុងបាត់ខ្លួន។
ភាគកណ្ដាលរបស់វៀតណាមបានវាយប្រហារដោយព្យុះភ្លៀងចាប់តាំងពីថ្ងៃអង្គារសប្តាហ៍មុន ហើយមកដល់យប់ថ្ងៃអាទិត្យ មនុស្ស៦នាក់បានស្លាប់បន្ថែម ក្រោយមានភ្លៀងធ្លាក់ខ្លាំងនិងធ្វើឱ្យបាក់ដីនៅក្នុងខេត្តចំនួន២។
ផ្ទះជាង ១០០ ០០០ ខ្នង បានស្ថិតនៅក្រោមទឹកជាង៣ម៉ែត្រ។
ក្រសួងការពារជាតិបានអំពាវនាវឱ្យមានការប្រមូលផ្តុំកម្លាំងទាហាន ប៉ូលីស និងអ្នកស្ម័គ្រចិត្តស៊ីវិលជាង ៩ ៦០០ នាក់ ឱ្យឈរជើងដើម្បីជួយប្រជាជននៅតាមតំបន់កំពុងរងគ្រោះដោយទឹកជំនន់។
មនុស្សជិត ៥ ម៉ឺននាក់ត្រូវបានជម្លៀសទៅទួលសុវត្ថិភាព ខណៈដែលអាជ្ញាធរបានបង្កើនកិច្ចខិតខំប្រឹងប្រែងក្នុងការផ្គត់ផ្គង់ស្បៀងអាហារ និងរបស់ចាំបាច់ផ្សេងៗដល់ប្រជាជន៕
