បរទេស
អាម៉ាប៉ាប៉ាញ៉ូសប្រធានាធិបតីអាមេរិកលោក ដូណាល់ ត្រាំ បានសរសេរនៅក្នុងTwitterថា លោកនិងភរិយា មេឡានី ត្រាំ បានឆ្លងជំងឺកូវីដនិងចាប់ផ្ដើមធ្វើចត្តាឡីស័ក។
ការប្រកាសរបស់លោកត្រាំនេះ ធ្វើឡើងបន្ទាប់ពីជំនួយការកំពូលមួយរូប ដែលលោកបានចំណាយពេលជាច្រើននៅក្បែរនៅសប្តាហ៍នេះ បានធ្វើតេស្តវិជ្ជមានកូវីដ១៩។
លោកស្រី Hope Hicks ជាជំនួយការដ៏ជិតស្និទ្ធបំផុតរបស់លោក ត្រាំ បានធ្វើតេស្តវិជ្ជកូវីដ១៩កាលពីថ្ងៃព្រហស្បតិ៍។
ជំនួយការវ័យ៣១ឆ្នាំ គឺនាងទើបបានធ្វើដំណើរជាមួយលោក ត្រាំ តាមយន្ដហោះ Air Force One ទៅជជែកដេញដោលតាមទូរទស្សន៍នៅរដ្ឋអូហៃអូកាលពីដើមសប្តាហ៍នេះ។ លោកស្រី Hicks ត្រូវបានគេប្រទះឃើញ នៅពេលចុះពីលើយន្តហោះប្រធានាធិបតីកាលពីថ្ងៃអង្គារនៅទីក្រុង Cleveland ដោយគ្មានពាក់ម៉ាស់ការពារឡើយ។
នាងបានស្ថិតនៅជិតលោក ត្រាំ ជាងគេ នៅពេលធ្វើដំណើរលើឧទ្ធម្ភាគចក្រប្រធានាធិបតីម៉ារីន នៅថ្ងៃពុធ នៅពេលដែលលោក ត្រាំ បានទៅជួបក្រុមអ្នកគាំទ្រនៅរដ្ឋមីនីសូតា។
វីរុសកូវីដ១៩ បានឆ្លងប្រជាជនអាមេរិកជាង ៧,២ លាននាក់ ក្នុងនោះស្លាប់ជាង ២០០.០០០ នាក់។ សេតវិមានតែងធ្វើតេស្ដរាល់ជំនួយការនិងមនុស្សទាំងអស់ ដែលត្រូវធ្វើការប្រាស្រ័យទាក់ទងជាមួយប្រធានាធិបតីជារៀងរាល់ថ្ងៃ៕
