header ads

Sponsor

បរទេស

អាម៉ាប៉ាប៉ាញ៉ូស

លោកប្រធានាធិបតីអាមេរិក ដូណាល់ ត្រា ត្រូវបានព្យាបាលដោយថ្នាំ dexamethasone ដែល​ជាថ្នាំស្តេរ៉ូអ៊ីតត្រូវបានផ្តល់ឱ្យសម្រាប់ការឆ្លងមេរោគកូវីដ១៩ធ្ងន់ធ្ងរ គឺបន្ទាប់ពីលោក​ទើបត្រូវបានដាក់អុកស៊ីសែនកាលពីថ្ងៃសុក្រ។

ទោះយ៉ាងណាគ្រូពេទ្យបញ្ជាក់ថា លោក ដូណាល់ ត្រាំ កំពុងជាសះស្បើយហើយ។ លោកបណ្ឌិត Sean Conley បានរៀបរាប់អំពីស្ថានភាពជំងឺរបស់លោក​ ត្រាំ ថា លោកកំពុងត្រូវបានព្យាបាលដោយ dexamethasone ដែលជាថ្នាំស្តេរ៉ូអ៊ីតសម្រាប់ផ្តល់ឱ្យអ្នកជំងឺដែលមានជំងឺកូវីដ១៩ធ្ងន់ធ្ងរដើម្បីជួយដល់មុខងារសួត។​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

លោក ត្រាំ អាចនឹងត្រូវបានចេញពីមន្ទីរពេទ្យកងទ័ព Walter Reed នៅព្រឹកថ្ងៃចន្ទដើម្បីបន្តការព្យាបាលរបស់គាត់នៅឯសេតវិមាន។

ថ្នាំ Dexamethasone គឺជាថ្នាំស្តេរ៉ូអ៊ីត ដែលប្រើសម្រាប់បន្ថយការរលាក ហើយវាត្រូវបានគេសរសើរថា ជារបកគំហើញដ៏សំខាន់មួយក្នុងការព្យាបាលជំងឺកូវីដ១៩។ ការឆ្លងមេរោគនេះ គឺបង្កឱ្យមានការរលាកនៅពេលដែលរាងកាយព្យាយាមប្រយុទ្ធប្រឆាំងនឹងវា។​​​​​​​​​​​​​​​​​​​​​​​​​​​​​​​​​​​​​​​​​​​​​​

ប៉ុន្តែពេលខ្លះប្រព័ន្ធភាពស៊ាំចូលហួសកំរិត ហើយប្រតិកម្មនេះអាចបណ្តាលឱ្យស្លាប់។​​ ប្រតិ​កម្មដែលត្រូវបានបង្កើតឡើងដើម្បីវាយប្រហារមេរោគឆ្លង គឺបានបញ្ចប់ដោយការវាយប្រហារ​លើកោសិកាផ្ទាល់របស់រាងកាយ ដូច្នេះ Dexamethasone គឺជួយបញ្ចៀស​ផល​ប៉ះពាល់នេះ។c

ថ្នាំប្រភេទនេះប្រើបានសម្រាប់តែមនុស្សដែលកំពុងសម្រាកព្យាបាលនៅមន្ទីរពេទ្យ ហើយទទួល​ខ្យល់អុកស៊ីសែនប៉ុណ្ណោះ ឬអ្នកជំងឺមានស្ថានភាពមិនស្រួលបំផុត។

ថ្នាំនេះមិនមានប្រសិទ្ធភាពលើមនុស្សដែលមានរោគសញ្ញាស្រាលនោះទេ៕

@Amapapa.News

ហាមដាច់ខាតការយកអត្ថបទទៅចុះផ្សាយឡើងវិញ ឬអានធ្វើជាវីដេអូដោយគ្មានការអនុញ្ញាត!

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post