ព្រះសីហនុ៖ពិតជាសាហាវមែន ជនល្មើសម្នាក់ បានចូលទៅកាប់ម្ចាស់ផ្ទះអោយរបួស រួចប្លន់យកលុយពីកន្លែង «Wing វេរលុយ» កាលពីយប់ថ្ងៃទី២៩ ខែតុលា ឆ្នាំ២០២០ នៅចំណុចទីតាំង «Wing វេរលុយ» យីហោ ហុង រ៉ា ស្ថិតនៅភូមិស្ទឹងច្រាល ឃុំអូរបាក់រទេះ ស្រុកកំពង់សីលា ខេត្តព្រះសីហនុ ។
បើតាមកងរាជអាវុធហត្ថស្រុកកំពង់សីលា បានឲ្យដឹងថា ជនល្មើស ឈ្មោះ ខន ម៉ៅ អាយុ៣៣ឆ្នាំ ចំណែកជនរងគ្រោះ ឈ្មោះ អ៊ុំ ចន្ធី ភេទស្រី អាយុ៣៩ឆ្នាំ រងរបួសកំភួនដៃខាងឆ្វេង និង ភ្លៅខាងឆ្វេង ដោយសារជនល្មើសបានកាប់នឹងកាំបិតបុ័ងតោ ។
នៅចំពោះមុខសមត្ថកិច្ច ជនល្មើសបានសារភាព ថា ពិតជាបានធ្វើសកម្មភាពកាប់ប្លន់ជនរងគ្រោះពិតប្រាកដមែន បច្ចុប្បន្ន សមត្ថកិច្ចកំពុងសាកសួរជនល្មើស តាមនីតិវិធី មុនបញ្ជូនទៅតុលាការ ដើម្បីចាត់ការតាមច្បាប់ ៕