ខេត្តព្រៃវែង៖ ក្របីញីមួយក្បាលវធ័មនុស្សស្លាប់ម្នាក់ និងរងរបួសធ្ងន់ស្រាល ២នាក់ខណៈកំពុងរៀបចំដឹកវាចេញពីកន្លែងលក់ទិញ ប៉ុន្តែត្រូវប្រជាពលរដ្ឋព្រួតវាយសម្លាប់កាលពីរសៀលថ្ងៃទី៣១ ខែតុលា ឆ្នាំ២០២០ នៅចំណុចមាត់ព្រែកខាងកើតចំងាយ៧០០ម៉ែត្រ ពីភូមិស្គារ ឃុំស្រុក ព្នៅទី២ ស្រុកស៊ីធរកណ្តាល ខេត្តព្រៃវែង ។
ជនរងគ្រោះទាំង៣នាក់នេះ រួមមាន៖
១-ឈ្មោះណេន យ៉េន ភេទប្រុស អាយ៥១ឆ្នាំ រងរបួសកែងដៃនិងដងខ្លួនស្រាល ។
២-ឈ្មោះ ណេន ចំរើន ភេទប្រុស អាយុ៣៩ ឆ្នាំ រងរបួស កំភួនជើងខាងស្ដាំធ្ងន់ ត្រូវបានបញ្ជូនទៅមណ្ឌលសុខភាពព្នៅទី២ ។
៣-ឈ្មោះ រឿន រេន ភេទប្រុស អាយុ៤៧ឆ្នាំ រងរបួស៣កន្លែងធ្ងន់ធ្ងរ ត្រូវបានបញ្ជូនទៅសង្គ្រោះនៅមណ្ឌលសុខភាពព្នៅទី២ ហើយក៏បានបាត់បង់ជីវិតនៅក្នុងមណ្ឌលសុខភាព ។
បើតាមសំដីឈ្មោះ ណេន យ៉េន ដែលរងរបួសស្រាលបានរៀបរាប់ប្រាប់សមត្ថកិច្ចថា ៖នៅថ្ងៃកើតហេតុខាងលើ គាត់បានទៅទិញសត្វក្របីចំនួន៨ក្បាលពីឈ្មោះ មុំ ម៉ៅ នៅភូមិទ្រាសរ ឃុំទ្រាសរ ស្រុកស្រីសន្ធរ ខេត្តកំពង់ចាម តម្លៃសរុប២៨លានរៀល ចំណែកឈ្មោះ ណេន ចំរើន ក៏បានទិញសត្វក្របីញី១ក្បាលដែរ គឺក្របីដែលវ័ធពួកគេហ្នឹង រួចរត់គេចចូលព្រៃបាត់ រហូតដល់ ថ្ងៃទី១ ខែវិច្ឆិកា ឆ្នំា២០២០នេះ ត្រូវប្រជាពលរដ្ឋ និងសមត្ថកិច្ចរកឃើញក៏ផ្តាច់ជីវិតក្របីនោះឱ្យងាប់តែម្តងទៅ ៕