header ads

សង្គម

អាម៉ាប៉ាប៉ាញ៉ូស

​មណ្ឌល​គិរី​ ៖ ​​បង​ប្អូន​ប្រជាពលរដ្ឋ​ត្រូវ​បង្កើន​ការប្រុ​ង​ប្រយ័ត្ន ​ជាពិសេស​អ្នក​មាន​កូន​តូច​ៗ​មិន​ត្រូវ​បណ្តោយ​ឲ្យ​លេង​ទឹក​ដាច់​ខាត ខណៈស្ពាន​យោល​ដ៏សំខាន់​សម្រាប់​អ្នក​ភូមិ​ជាង​៣០០​គ្រួសារ​ឆ្លង​កាត់​រាល់​ថ្ងៃ ​ត្រូវ​ទឹក​ជំនន់​គួច​ដាច់​បាក់​ហូរ​ទៅ​តាម​ទឹកបាត់ហើយ កាលពីវេ​លាម៉ោ​ង​៧​ និ​ង៣០​នាទី​ព្រឹក ​ថ្ងៃ​ទី​១២​ ខែ​វិច្ឆិកា​ ឆ្នាំ​២០២០​ ។

ស្ពានខាងលើនេះ ត្រូវបានសាង​សង់​កាល​ពី​ឆ្នាំ​២០១៦​ និង​ដាក់​ឲ្យ​ប្រើប្រាស់​នា​ចុង​ឆ្នាំ​ដដែល ​ដោយ​វា​មាន​ទំហំ​ទទឹង​ពីរ​ម៉ែត្រ ​បណ្តោយ​៨០ម៉ែត្រ បម្រើដល់​អ្នក​រស់​នៅភូ​មិ​ជី​ក្លប​ ឃុំ​សុខ​សាន្ត​ ស្រុ​ក​កោះ​ញែក ​ប្រមាណ​៣០០​គ្រួសារ​ធ្វើ​ដំណើរ​ឆ្លង​កាត់​ជា​រៀង​រាល់​ថ្ងៃ​ ពោល​គឺ​វា​ជា​ស្ពាន​តែមួ​យ​គត់​សម្រាប់​ចេញ​ចូល​ភូមិ​នេះ​បាន​។

​ដោយ​សារ​មាន​ភ្លៀង​ធ្លាក់​ជា​បន្ត​បន្ទាប់​ជា​ច្រើន​ថ្ងៃ ​ធ្វើ​ឲ្យ​ទឹក​អូរ​ច្បារ​បាន​ហក់​ឡើង​យ៉ាង​គំហុក ដោយ​គិត​ត្រឹម​ម៉ោង​៦​និង​៣០​នាទី​ព្រឹក​ថ្ងៃ​ទី​១២ ​កម្ពស់​ទឹក​នៅ​លើ​ស្ពាន​យោល​ប្រមាណ​២​ម៉ែត្រ ​ហើយ​បន្ត​ឡើង​រហូត​ដល់​ម៉ោង​ជាង​៧​ព្រឹកថ្ងៃ​ដដែល​ ទឹក​ជន់​ខ្លាំង​ពេក​ក៏​ហូរ​គួច​នាំ​យក​ស្ពាន​បាក់​ទាំង​ស្រុង​តែ​ម្តង នេះបើតាមការបញ្ជាក់ពីលោក យន់ សារ៉ោម ប្រធាន​មន្ទីរ​អភិវឌ្ឍន៍​ជន​បទ​ខេត្ត​មណ្ឌល​គិរី​​។

យ៉ាងណាបើតាមលោក ​ស្វាយ សំអ៊ាង អភិបាល​ខេត្តមណ្ឌ​លគិរី​ ករ​ណី​នេះ​ខ្ញុំ​បាន​បញ្ជា​ឱ្យកម្លាំង​ និង​អាជ្ញាធរ​ចុះអ​ន្តរាគមន៍​តាំង​ពីរ​យប់​មិញ តែដោយសារ​ទឹក​ហូរ​បុក​ខ្លាំង​មិន​អាច​ការពារ​បាន​ កម្លាំង​អាជ្ញាធរ​ និង​ពិនិត្យ​អន្តរាគមន៍​នៅ​កន្លែង​ផ្សេង​ៗទៀតដើម្បី​ដោះ​ស្រាយ​បញ្ហា​នេះ៕

@Amapapa.News
លោកអ្នកអាចបញ្ចេញមតិនៅទីនេះ!

Feature Ads

Previous Post Next Post