header ads

សេចក្តីបកស្រាយបំភ្លឺរបស់ក្រុមការងារព័ត៌មាន​ និងប្រតិកម្មរហ័សនៃស្នងការដ្ឋាននគរបាលរាជធានីភ្នំពេញ​

បន្ទាប់ពីបានឃេីញការចុះផ្សាយរបស់គណនីហ្វេសបុកមួយឈ្មោះថា​"​ គីមសាន​ ក្រូចឆ្មារ​ "​ នៅព្រឹកថ្ងៃទី២៤​ ខែធ្នូ​ ឆ្នាំ២០២០​ ដែលមានខ្លឹមសារថា "សូមបងប្អូនប្រុងប្រយ័ត្ននៅម្តុំស្តុបកងរាជអាវុធហត្ថទួលគោកមានជនខិលខូចម្នាក់ដេីរគៀបសុីលុយស្រីៗដែលជិះម្នាក់ឯង​ ដោយយកលេសថាគេជិះម៉ូតូគៀគាត់​ "​ ភ្លាមៗនោះក្រុមការងារព័ត៌មាន​ និងប្រតិកម្មរហ័សនៃស្នងការដ្ឋាននគរបាលរាជធានីភ្នំពេញ​ បានទាក់ទងទៅសមត្ថកិច្ចជំនាញនៃអធិការដ្ឋាននគរបាលខណ្ឌទួលគោក​ ដេីម្បីចុះធ្វេីការស្រាវជ្រាវជាបន្ទាន់លេីករណីនេះ​ បន្ទាប់ពីធ្វេីការផ្សព្វផ្សាយ​ និងស្រាវជ្រាវ​ សមត្ថកិច្ចបានធ្វេីការកំណត់មុខសញ្ញាដែលមានភិនភាគដូចនៅក្នុងរូបភាពបង្ហោះ និងបានស្គាល់អត្តសញ្ញាណ ពិតប្រាកដថាបុរសម្នាក់នោះឈ្មោះ ឡេង ប៉ោឆាយ ភេទប្រុស អាយុ២៧ឆ្នាំ ជនជាតិខ្មែរ មានទីលំនៅបច្ចុប្បន្ន ផ្ទះលេខ៥០៥E០​ ផ្លូវលេខ១២៨ ភូមិ៧ សង្កាត់ផ្សារដេប៉ូទី៣ ខណ្ឌទួលគោក រាជធានីភ្នំពេញ ។ សមត្ថកិច្ចប៉ុស្តិ៍នគរបាលរដ្ឋបាលផ្សាដេប៉ូ៣​ បានធ្វេីការអញ្ជេីញឈ្មោះ ឡេង ចិន្តា ភេទប្រុស អាយុ៥៦ឆ្នាំ ជនជាតិខ្មែរ​ ដែលត្រូវជាឪពុករបស់ឈ្មោះ ឡេង ប៉​ឆាយ​ ដោយបាននាំឈ្មោះ ឡេង ប៉ឆាយ​ មកកាន់ទីស្នាក់ការប៉ុស្តិ៍នគរបាលរដ្ឋបាលផ្សារដេប៉ូទី៣ ដើម្បីធ្វើការសាកសួរ និងបំភ្លឺចំពោះមុខសមត្ថកិច្ចទាក់ទងទៅនឹងការចុះផ្សាយរបស់គណនីហ្វេសបុកឈ្មោះ​" គីមសាន​ ក្រូចឆ្មារ"​ នៅវេលាម៉ោង​ ១៦:០៥នាទី​ នាថ្ងៃទី២៤ ខែធ្នូ ឆ្នាំ២០២០ ។

យោងតាមការបំភ្លឺអះអាងរបស់ឈ្មោះ ឡេង ចិន្តា ដែលជាឪពុករបស់ឈ្មោះ ឡេង ប៉ឆាយ បានបញ្ជាក់​ និងអះអាងថា​ កូនប្រុសរបស់គាត់មានជម្ងឺផ្លូវចិត្ត (សតិមិនប្រក្រតី) តាំងពីអាយុ១៥ឆ្នាំមកម្ល៉េះ ហេីយគាត់បានយកកូនទៅព្យាបាលនៅមន្ទីរពេទ្យព្រះកុសុម: ដោយបានបើកថ្នាំពីមន្ទីរពេទ្យក្នុង១ខែម្ដង យកមកលេបជាប្រចាំថ្ងៃ ហេីយគាត់ក៏បានបង្ហាញភស្តុតាងជាប័ណ្ណសុខភាពរបស់កូនគាត់ឈ្មោះ​ ឡេង​ ប៉ោឆាយ​ អត្តលេខ ជំងឺ 007-410-600-6 របស់មន្ទីរពេទ្យព្រះកុសុម: ផ្នែកពិគ្រោះជម្ងឺផ្លូវចិត្តទៀតផង​ ។

ជាមួយនោះដែរក៏មានលិខិតបញ្ចាក់របស់លោកចៅសង្កាត់ផ្សារដេប៉ូទី៣ ចុះថ្ងៃទី២៨ ខែវិច្ឆិកា ឆ្នាំ២០១៩ បានធ្វើការបញ្ជាក់ថា៖ ឈ្មោះ ឡេង ប៉ោឆាយ ភេទប្រុស សញ្ជាតិខ្មែរ កេីតថ្ងៃ៣០​ ខែកញ្ញា ឆ្នាំ១៩៩៣​ ស្នាក់នៅផ្ទះលេខ៥០៥E០​ ផ្លូវលេខ១២៨ ភូមិ៧ សង្កាត់ផ្សារដេប៉ូទី៣ ខណ្ឌទួលគោក រាជធានីភ្នំពេញ ពិតជាជនដែលមានស្មារតីមិនប្រក្រតី ឆេវឆាវគ្រប់គ្រងអារម្មណ៍ខ្លួនឯងមិនបាន ឡេឡារនៅមិនស្ងៀម និងឧស្សាហ៍វឹលមុខ​ ៕

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post