ភ្នំពេញ៖ ក្រោយពីមានពលរដ្ឋរិះគន់ទាក់ទងនឹងការចុះចាប់ម៉ូតូធំ ដល់ផ្ទះនាពេលកន្លង នៅថ្ងៃទី១១ ខែមករា ឆ្នាំ២០២១ នេះ លោកឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ បានបញ្ជាឲ្យសមត្ថកិច្ចទាំង១៤ខណ្ឌ ផ្អាកការឃាត់ម៉ូតូធំ ដែលបំពាក់បំពង់ស៊ីម៉ាំងសិន ដោយរង់ចាំបទបញ្ជាសាជាថ្មីពីថ្នាក់លើ។
លោកបន្តថា កាលដែលសមត្ថកិច្ចទៅឃាត់ម៉ូតូដល់ផ្ទះប្រជាពលរដ្ឋ គឺ មិនត្រឹមត្រូវនោះទេ ដោយលោកស្នងការ មិនបានណែនាំឲ្យធ្វើដូច្នេះទេ ដោយលោកគ្រាន់តែឲ្យស្រង់ស្ថិតិដើម្បីធ្វើការអប់រំណែនាំប៉ុននោះ។
