កណ្តាល: នៅវេលាម៉ោងជាង១២ថ្ងៃត្រង់ ថ្ងៃទី២១ ខែកុម្ភៈ ឆ្នាំ២០២១ នេះ មន្ត្រីជំនាញសុខាភិបាល អាជ្ញាធរ និងស្ថាប័នពាក់ព័ន្ធ កំពុងធ្វើការពិនិត្យ និងបិទភោជនីយដ្ឋាន ឡូហ្សីក២ បណ្ដោះអាសន្ន ស្ថិតនៅក្នុងក្រុងតាខ្មៅ ខេត្តកណ្តាល។
ប្រតិបត្តិការនេះធ្វើឡើងក្រោយពីមានការសង្ស័យថា នៅអាហារដ្ឋាននេះ មានបុគ្គលិកផ្ទុកកូវីដ១៩ ដែលជាប់ពាក់ព័ន្ធព្រឹត្តិការណ៍ថ្ងៃទី២០ ខែកុម្ភៈ នៅកោះពេជ្រ ដោយសារក្រុមគ្រួសារគាត់ជាអ្នកធ្វើការនៅកោះពេជ្រ ហើយមានករណីវិជ្ជមានកូវីត១៩ ហើយក្រុមគ្រួសាររបស់គាត់ធ្វើការនៅក្នុង”អាហារដ្ឋាន ឡូហ្សិក”។
