យោងតាមសេចក្ដីជូនដំណឹង នៅថ្ងៃ២៦ ខែកុម្ភៈ ២០២១ រដ្ឋបាលខេត្តព្រះសីហនុ បានចេញសេចក្តីជូនដំណឹង ជម្រាបទៅលោក អាយ ម៉ាស័រ ប្រធានក្រុមប្រឹក្សាភិបាលសណ្ឋាគារ កាស៊ីណូ ហ្គូដដេស អេន លីប៊ើធី ស្ថិតនៅភូមិ១ សង្កាត់លេខ៣ ក្រុងព្រះសីហនុ ខេត្តព្រះសីហនុ ឲ្យផ្អាកអាជីវកម្មជាបណ្តោះអាសន្ន ក្រោយក្រុមការងារឆ្លើយតបបន្ទាន់មន្ទីរសុខាភិបាលខេត្តនិងគ្រូពេទ្យ រកឃើញបុរសជនជាតិចិន៤នាក់ ស្នាក់នៅក្នុងសណ្ឋាគារនេះមានមេរោគកូវីដ១៩។
១. ឈ្មោះ FAN YONGFENG កាន់លិខិតឆ្លងដែនលេខ EH2977614
២. ឈ្មោះ ZHANG DONGHUI កាន់លិខិតឆ្លងដែនលេខ EH8903133
៣. ឈ្មោះ WANG GUODONG កាន់លិខិតឆ្លងដែនលេខ EH1768403
៤. ឈ្មោះ WANG ZHILONG កាន់លិខិតឆ្លងដែនលេខ EB6429316
លិខិតរបស់រដ្ឋបាលដដែលបានឲ្យដឹងថា ម្ចាស់សណ្ឋាគារ មិនត្រូវអនុញ្ញាតឲ្យភ្ញៀវថ្មី ចូលស្នាក់នៅ ហើយក៏មិនអនុញ្ញាតឲ្យភ្ញៀវ ដែលកំពុងស្នាក់នៅ ក្នុងសណ្ឋាគារចេញ-ចូល ដោយគ្មានការអនុញ្ញាត ពីអាជ្ញាធរមានសមត្ថកិច្ចឡើយ ។