header ads

Sponsor

លោកជំទាវ យក់ សម្បត្តិ រដ្ឋលេខាធិការក្រសួងសុខាភិបាល បានឱ្យដឹងថា ការពាក់ម៉ាសគឺអាចការពារការចម្លងវីរុស បានតែតាមរយៈមាត់ និងច្រមុះ តែប៉ុណ្ណោះ ខណៈដែលភ្នែក និងត្រចៀក ក៏ជាកន្លែងសំខាន់មួយដែលវីរុសកូវីដ-១៩ អាចចម្លងទៅក្នុងខ្លួនបុគ្គលគ្រប់រូបផងដែរ។ 
តាមរយៈសារជាសម្លេង ដែលទីភ្នាក់ងារសារព័ត៌មានកម្ពុជាទទួលបាននៅរសៀលថ្ងៃទី២៦ ខែកុម្ភៈ ឆ្នាំ២០២១នេះ លោកជំទាវ យក់ សម្បត្តិ ចែករំលែកនូវព័ត៌មានថា ៖ “តាមរយៈការដកបទពិសោធន៍នៅបណ្តាប្រទេសផ្សេងៗ ការពាក់ម៉ាស គឺការពារបានតែមាត់ និងច្រមុះ តែប៉ុណ្ណោះ ដោយឡែកសម្រាប់ភ្នែក និងត្រចៀក គឺយើងពុំមានអ្វីសម្រាប់គ្របបានទេ ហេតុដូច្នេះហើយ ដើម្បីការពារចំណុចនេះ អ្វីដែលសំខាន់បំផុតគឺ ការលាងដៃ អនាម័យដៃស្អាត ជាមួយនឹងសាប៊ូ ជែល និងអាល់កុលជាដើម”។

 ឆ្លៀតក្នុងឱកាសនេះ លោកជំទាវ ក៏បានរំលឹកដល់ប្រជាពលរដ្ឋទាំងអស់ថា ការលាងដៃគឺសំខាន់ណាស់ ជាពិសេសបន្ទាប់ពីបងប្អូនបានប៉ះពាល់វត្ថុ ឬកាន់របស់អ្វីមួយ នៅតាមទីសាធារណៈ គឺសូមរួសរាន់លាងដៃ ឬសម្អាតដៃភ្លាមៗ មុនពេលប៉ះមុខមាត់៕
ប្រភព AKP
Sponsor
លោកអ្នកអាចបញ្ចេញមតិនៅទីនេះ!

Feature Ads

Previous Post Next Post