យុវជនកំព្រាមេបា ប្រាក់ សុផាន់ណា ដែលបងប្អូនប្រិយមិត្តប្រហែលជាធ្លាប់បានឃើញពីសមត្ថភាពលើវិថីសិល្បៈរបស់លោកហើយ ដែលអាចច្រៀង និងនិពន្ធផងដែរនោះ ដែលបង្ហាញឲ្យឃើញថាទោះបីជាលោក គេងនៅលើគ្រែ រទេះយ៉ាងណាក៏ដោយ ក៏ក្ដីសង្ឃឹម និងសមទ្ធិផលគឺអាចឲ្យយើងយកជាគំរូបាន។
នៅមុននេះបន្តិច រសៀលថ្ងៃទី ០៨ ខែមីនានេះ លោកអភិបាលស្រុកបន្ទាយស្រី បានអញ្ជើញទៅលេង យុវជនខាងលើនេះ ដោយព្រមទាំងលើកសរសើរទៀតថា៖
ជាអ្នកចម្រៀង ជាអ្នកនិពន្ធ ជាគ្រូបង្រៀនភ្លេង រៀបការរួចជាមួយភរិយាដ៏ស្រស់ស្អាត និងមានកសិដ្ឋានចិញ្ចឹមមាន់ផ្ទាល់ខ្លួន ផាន់ណាគឺជានិមិត្តរូបនៃក្តីសង្ឃឹម ទោះបីជាត្រូវប្រើប្រាស់ជីវិតគេងនៅលើគ្រែជារៀងរាល់ថ្ងៃក៏ដោយ។
សូមជម្រាបជូនថាយុវជនរូបនេះ បានធ្លាក់ខ្លួនឈឺជាទម្ងន់ដោយសារជំងឺខួរឆ្អឹងខ្នងមិនយូរប៉ុន្មាន នៅឆ្នាំ ២០០០ រាងកាយរបស់ សុផាន់ណា ត្រឹមចង្កេះចុះក្រោមកម្រើកលែងរួច និងស្វិតបន្ដិចម្ដងៗ រហូតដល់គេងមួយកន្លែងលើតែរទេះរុញដល់ថ្ងៃនេះ៕
