បន្ទាប់ពីជួសជុលផ្នែកខ្លះនៃស្ពានព្រះមុនីវង្សចាស់រួចមក ក្រុមការងារនឹងបន្តការជួសជុលកម្រាលស្ពាន ដោយត្រូវកាយបកកៅស៊ូចាស់ចេញ រួចអ៊ុតកៅស៊ូថ្មី ដែលការងារនេះចាំបាច់ត្រូវបិទចរាចរណ៍លើស្ពានព្រះមុនីវង្សចាស់ជាបណ្តោះអាសន្ន រយៈពេល៣ថ្ងៃ ចាប់ពីម៉ោង ៨៖០០ នាទី ព្រឹកថ្ងៃទី០៨-១០ ខែមេសា ឆ្នាំ២០២១ ដូច្នេះប្រជាពលរដ្ឋ ម្ចាស់រថយន្ត និងទោចក្រយានយន្តគ្រប់ប្រភេទ ដែលធ្វើដំណើរឆ្លងកាត់ស្ពានព្រះមុនីវង្សចាស់ ត្រូវពង្វាងចរាចរមកស្ពានព្រះមុនីវង្សថ្មី ដែលស្ពានព្រះមុនីវង្សថ្មីនេះនឹងដាក់ឱ្យធ្វើចរាចរណ៍ទាំងពីរទិសជាបណ្តោះអាសន្ន។
ក្រោយបិទចរាចរណ៍លើស្ពានចាស់នេះធ្វើឲ្យនៅយប់ថ្ងៃទី០៨ ខែមេសា ឆ្នាំ២០២១មានការកកស្ទះខ្លាំង នៅស្ពានអាកាសក្បាលថ្នល់ ចំណុចផ្លូវជាតិលេខ១ ម្តុំផ្សារច្បារអំពៅ ។
ជាមួយគ្នានេះដែរលោក វិល្លាម បានលើកឡើងថា « ប្រទេសកំពុងជ្រួលច្របល់រឿងឆ្លងជំងឺបន់អោយតែឆាប់ទៅដល់ផ្ទះ។ មន្ត្រីឡេឡឺអត់ដឹងខ្យល់ ទៅជួសជុលស្ពានទាំងទទឹងទិសបណ្ដាលអោយស្ទះចរាចរណ៍ពាក់កណ្ដាលទីក្រុង ។
បេីសម័យសាមកុកវិញមន្ត្រីនេះមានវាសនាបែបណា ? ពីយូរហេីយមិនប្រកាច់ធ្វេី ? អ្នកមិនគោរពបម្រាមគោចរណ៍ត្រូវមានទោស ? ចុះអ្នកធ្វេីអោយស្ទះចរាចរណ៍ នាំអោយបម្រាមគោរចរណ័ គ្មានប្រសិទ្ធភាពត្រូវមានទោសឬអត់ ហិហិហិ ?
យ៉ាងណា បើតាមលោកវរសេនីយ៍ឯក សាន សុខសីហា អ្នកនាំពាក្យស្នងការនគរបាលរាជធានីភ្នំពេញបានមានប្រសាសន៍នៅយប់ថ្ងៃទី០៨មេសានេះថា អ្នកធ្វើដំណើរដែលទៅតាមច្រកស្ពានព្រះមុនីវង្សថ្មីដែលមានការកកស្ទះចរាចរណ៍នោះ សមត្ថកិច្ចមិនអនុវត្តបម្រាមគោចរពីម៉ោង៨យប់ដល់ម៉ោង៥ទៀបភ្លឺនោះទេ។
ចំណែកនៅគោលដៅផ្សេងៗទៀតសមត្ថកិច្ចនៅតែបន្តអនុវត្តបម្រាមគោលចររបស់សាលារាជធានីភ្នំពេញដដែលទេ។