រកឃើញអ្នកវិជ្ជមានកូវិដ១៩ចំនួន៤នាក់ និងស្លាប់ម្នាក់ក្នុង សង្កាត់ស្ទឹងមានជ័យទី១ នៅថ្ងៃទី២៦ នេះ

រដ្ឋបាលសង្កាត់ស្ទឹងមានជ័យទី១បានអោយដឹងថា នៅថ្ងៃទី២៦ ខែឧសភា ឆ្នាំ២០២១ មានករណី ឆ្លងកូវីដ១៩ សរុប៤នាក់ ស្លាប់ម្នាក់ស្ថិតនៅចំណុចផ្ទះជួល ភូមិមានជ័យ និង ភូមិមានជ័យ១។

រដ្ឋបាលសង្កាត់ស្ទឹងមានជ័យទី១បានអោយដឹងថាក្រុមគ្រូពេទ្យបានពិនិត្យសំណាក សរុប៩០ នាក់ ស្រី ៤៨ នាក់ រកឃើញអ្នកវិជ្ជមានកូវិដ១៩ចំនួន៤នាក់ ។
សូមជម្រាបថា ក្រសួងសុខាភិបាលបានរកឃើញអ្នកវិជ្ជមានកូវិដ១៩ចំនួន៦៦០នាក់ អ្នកស្លាប់៧នាក់ និងអ្នកជាសះស្បើយចំនួន៧៥០នាក់ នៅថ្ងៃទី២៥ ឧសភា ២០២១ ៕ រូបភាព៖សាលាសង្កាត់ស្ទឹងមានជ័យ