header ads

Sponsor

«យើងមានការព្រួយបារម្ភចំពោះការរាតត្បាតជំងឺកូវីដ-១៩ ដល់សហគមន៍ធំធេង ហើយការគ្រប់គ្រងព្រឹត្តិការណ៍សហគមន៍នេះ បានឬមិនបាន សំខាន់បំផុតវាអាស្រ័យមានការចូលរួមពីបងប្អូនប្រជាពលរដ្ឋ» ។ នេះបើតាមប្រសាសន៍របស់លោកជំទាវ ឱ វណ្ឌឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល បានថ្លែងនៅព្រឹកថ្ងៃទី ៣១ ឧសភា ឆ្នាំ ២០២១ នេះ តាមរយៈទូរទស្សន៍ជាតិកម្ពុជា ។

លោកជំទាវ ឱ វណ្ណឌីន បានបញ្ជាក់ថា៖ «ព្រឹត្តិការណ៍សហគមន៍ ២០ កុម្ភ: គឺមិនទាន់បញ្ចប់នៅឡើយទេ ពីព្រោះយើងនៅតែបន្តរកឃើញតួលេខអ្នកឆ្លងជំងឺកូវីដ-១៩ ជារៀងរាល់ថ្ងៃនៅតែច្រើន ហើយក្នុងចំនួននេះ យើងក៏មិនបានដឹងថា ប្រជាពលរដ្ឋណាខ្លះ បានធ្វើដំណើរចល័តទៅទីកន្លែងណាខ្លះទៀត ។ លោកជំទាវ បញ្ជាក់ទៀតថា បច្ចុប្បន្នមានការឆ្លងរាលដាលជំងឺកូវីដ-១៩ ដល់បណ្តាខេត្តរួចទៅហើយ ចំពោះតួលេខវាជារឿងមួយ សំខាន់បងប្អូនប្រជាពលរដ្ឋត្រូវបន្តអនុវត្តវិធានការសុខាភិបាលឲ្យបានត្រឹមត្រូវបំផុត»។


លោកជំទាវ ឱ វណ្ណឌីន បានថ្លែងទៀតថា៖ «យើងមានការព្រួយបារម្ភចំពោះការរាតត្បាតជំងឺកូវីដ-១៩ ដល់សហគមន៍ធំធេង ហើយការគ្រប់គ្រងព្រឹត្តិការណ៍សហគមន៍នេះ បានឬមិនបាន សំខាន់បំផុតវាអាស្រ័យមានការចូលរួមពីបងប្អូនប្រជាពលរដ្ឋ ពីព្រោះ ប្រមុខរាជរដ្ឋាភិបាលកម្ពុជា សម្តេចអគ្គមហាសេនាបតីតេជោ ហ៊ុន សែន បានគិតគូរណាស់ចំពោះរឿងនេះ ដោយដាក់បទបញ្ជា ឲ្យក្រសួង ស្ថាប័នពាក់ព័ន្ធដែលជាប្រតិបត្តិករ ចុះអនុវត្ត ទាំងយប់ ទាំងថ្ងៃ ក្នុងការបង្ការ និងទប់ស្កាត់ជំងឺកូវីដ-១៩ កុំឲ្យមានការរាតត្បាតដល់សហគមន៍ធំធេង»។

លោកជំទាវ ឱ វណ្ណឌីន បានដាស់តឿន និងព្រមានជាថ្មីម្តងទៀតថា បើសិនបុគ្គលគ្រប់រូប មិនបានអនុវត្តវិធានការសុខាភិបាលពេញលេញទេនោះ ការចម្លងជំងឺកូវីដ-១៩ ពីមនុស្សម្នាក់ ទៅមនុស្សម្នាក់ទៀត នៅតែមាន ៕

អត្ថបទដោយ៖ អគ្គនាយកដ្ឋានទូរទស្សន៍ជាតិកម្ពុជា

ហាមដាច់ខាតការយកអត្ថបទទៅចុះផ្សាយឡើងវិញ ឬអានធ្វើជាវីដេអូដោយគ្មានការអនុញ្ញាត!

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post