ធនាគារ អេស៊ីលីដា និងអាហារដ្ឋានមួយកន្លែង ក្នងស្រុកស្រែអំបិល ត្រូវផ្អាកជាបណ្តោះអាសន្ន ព្រោះមានអ្នកជំងឺកូវីដ១៩ ស្នាក់នៅ និង កំពុងបម្រើការងារ

កោះកុង៖ អាជ្ញាធរខេត្តកោះកុងបានផ្អាកអាជីវកម្ម អាហារដ្ឋាន ហ៊ី កែវ ដែលមានទីតាំងស្ថិតនៅចំណុចក្បាលស្ពានស្រែអំបិល ភូមិសាលាម្នាង ឃុំបឹងព្រាវ ស្រុកស្រែអំបិល និង ធនាគារ អេស៊ីលីដា សាខាស្រុកស្រែអំបិល ស្ថិតនៅភូមិត្រពាំង ឃុំស្រែអំបិល ជាបណ្តោះអាសន្ន ដោយសារទីតាំងទាំង២ខាងលើ គឺ ជាទីតាំង «មានអ្នកវិជ្ជមានកូវីដ១៩ ស្នាក់នៅ និង កំពុងបម្រើការងារ» ។

នេះបើយោងតាមសេចក្តីសម្រេចរបស់លោកស្រី មិថុនា ភូថង អភិបាលខេត្តកោះកុង ដោយការផ្អាកអាជីវកម្មនូវទីតាំងទាំង២ខាងលើនេះ គឺ ចាប់ពីថ្ងៃទី៨ ខែមិថុនា ឆ្នាំ២០២១ រហូតដល់មានការជូនដំណឹងសាជាថ្មី ៕