ខេត្តកំពង់ធំ៖ រដ្ឋបាលព្រៃឈើខាងជើងបឹងទន្លេសាប បានឃាត់រថយន្តវេអង១គ្រឿង ពណ៌ប្រផេះលាយបៃតង ពាក់ស្លាកលេខ ភ្នំពេញ ៣A.០៣៩០- កំពង់ចាម ៤A.០២១៨ ដែលបានដឹកឈើចេញពីតំបន់អូរងាវក្នុងដែនព្រៃឡង់ ចេញឆ្លងកាត់ ឃុំទំរីង ឆ្ពោះទៅខេត្តកំពតកាលពីយប់ ថ្ងៃទី ២៤ ខែមិថុនា ឆ្នាំ ២០២១ នៅចំណុចអូរងាវ ឃុំដងកាំបិត ស្រុកសណ្ដាន់ ខេត្តកំពង់ធំ។
រថយន្តដឹកឈើខាងលើនេះគឺមានឈ្មោះ លោក និត ដែលជាឈ្មួញយ៉ាងសកម្ម ក្នុងការប្រមូលទិញឈើ ពីជាពលរដ្ឋ ដែលទៅលួចកាប់អារ នៅក្នុងដែនជម្រកព្រៃឡង់ បានដឹកឈើថ្មី ដោយដាក់ឈើចាស់ពីលើដើម្បីបន្លំភ្នែកសមត្ថកិច្ច។