សង្គម
បើនិយាយពីលោក ខេមរៈ ភារុណ មហាជនច្បាស់ជាមិនសូវបានស្គាល់ទេ តែបើខេមរៈ សិរិមន្តគឺច្បាស់ជាស្គាល់ច្បាស់ លោក ខែន ភារុណ ហៅ ខេមរៈសិរីមន្ត គឺជាបងប្រុសរបស់តារាចម្រៀង ខេមរៈ សិរីមន្ត ក៏ជាអ្នកពន្ធឲ្យលោក សិរីមន្ត តាំងពីនៅផលិតកម្មសាន់ដេ រហូតដល់ផលិតកម្មហង្សមាសផងដែរ។
ក្រៅពីជាអ្នកនិពន្ធ លោក ខេមរៈ ភារុណ បច្ចុប្បន្នលោកមានតួនាទីក្នុងជួរមន្ត្រីរាជការ ផងដែរ គឺមន្ត្រីយោធា មានឋានន្តរស័ក្ដិជាឧត្តមសេនីយត្រី (ផ្កាយមួយ) តែយ៉ាងណាមហិច្ឆិតារបស់លោក មិនត្រឹមតែប៉ុណ្ណឹងនោះទេ ដែលលោកបានលើកឡើងថា ដើម្បីប្រជាជន និងប្រទេសជាតិ ខ្ញុំសុខចិត្តលះបង់សេចក្តីសុខផ្ទាល់ខ្លួនខ្ញុំបម្រើទាំងអ្នកមាន ទាំងអ្នកក្រ ខេត្តមួយប្លែកត្រជាក់ភ្នែកដែលអ្នកមិននឹកស្មានដល់។
កន្លមកជារឿយៗ លោកភារុណ ក្នុងសំណេររបស់លោក តាមបណ្ដាញសង្គម គឺលោកតែងតែបង្ហើបនៅ ពីគោលបំណង និងមហិច្ឆិតាធំមួយដោយលោក ចង់ធ្វើជាអភិបាលរាជធានី-ខេត្ត ដើម្បីចូលរួមជួយអភិវឌ្ឍប្រទេសជាតិ ។
ជាក់ស្ដែងកាលពីពេលថ្មីៗនេះ លោកភារុណ បានចេញមកបង្ហាញគោលបំណងនេះសារជាថ្មី គឺចង់ធ្វើជាអភិបាលខេត្តមួយរូប ក្នុងពេលអនាគតដ៏ឆាប់ៗខាងមុខនេះ ហើយលោកក៏បានបញ្ជាក់ផងដែរថា បើចាំដល់អាយុ ៥០ឆ្នាំជាងដែលជាវ័យជិតចូលនិវត្តន៍ លោកស៊ូមិនធ្វើជាល្អជាង ខាងក្រោមនេះជាសំណេរទាំងស្រុងរបស់លោកដែលបានលើកឡើងតាមរយៈបណ្ដាញសង្គម៖
«លោកពុកខ្ញុំគាត់មានប្រសាសន៍ថាបើកូនចង់ធ្វើចៅ ហ្វាយខេត្តលទ្ធភាពវាមិនអាចទៅរួចទេតិចណាស់ តែបើពុកធ្វើជាមន្ត្រីធំដូចពុកគេអាហ្នឹងអាច តែយ៉ាងណាកូនខំរៀនអញ្ចឹងល្អបើមិនបានធ្វើជាអភិបាលខេត្តយ៉ាងហោចណាស់ក៏កូនអាចធ្វើមន្ត្រីមួយដ៏ល្អនៅ ក្នុងជួររាជរដ្ឋាភិបាលនាពេលអនាគតពេលណាមួយជាក់ជាមិនខាន។
ខ្ញុំក៏ជម្រាបលោកពុកវិញថាមហិច្ឆតារបស់ខ្ញុំខ្ញុំចង់ធ្វើជាអភិបាលខេត្តឆាប់ៗនេះដើម្បីជួយកិច្ចការងារ សម្តេចតេជោពុកនិងប្រជាជនសង្គមជាតិយើង តែបើចាំដល់ពេលខ្ញុំបានធ្វើដល់ខ្ញុំអាយុហាសិបឆ្នាំលើសជិតចូលនិវត្តន៍ខ្ញុំមិនធ្វើឡើយទោះបីជាខ្ញុំស្រលាញ់ប្រជាជននិងជាតិទឹកដីមួយនេះយ៉ាងណាក៏ដោយចុះ ព្រោះតែពេលវេលាដែលខ្ញុំចង់បម្រើជាតិមាតុភូមិមួយនេះគឺនៅ ពេលនេះឯងមិនមែនពេលនោះឡើយ។
ខ្ញ៉ំចង់ធ្វើនេះមិនមែនដើម្បីប្រយោជន៍ខ្ញុំឡើយគឺដើម្បីប្រយោជន៍រួមប្រជាជនក្នុងខេត្តទាំងមូលនិយាយដោយឡែកនិយាយជារួមជាប្រយោជន៍ប្រទេសទាំងមូល។»
