សង្គម
មានប្អូនប្រុសកតញ្ញូពីរនាក់បងប្អូន បាននាំគ្នារើសអេតចាយ ដើម្បីយកលុយមកទិញនំខេក ធ្វើខួបកំណើតឲ្យអ្នកម្ដាយ នេះពិតជាមានទឹកចិត្តល្អមែន បើតាមការរៀបរាប់ប្រាប់ម្ចាស់ហាង ពីរនាក់បងប្អូននេះ ដែលបងប្រុសជាមនុស្សគទៀត ឃើញរូបនំនៅខាងមុខហាង តែមិនដឹងតម្លៃទេ ខណៈលុយដែលបានមកពីរើសអេតចាយមានតែ៣ម៉ឺនរៀលប៉ុណ្ណោះ។
តែក្រោយស្ដាប់ការរៀបរាប់ ម្ចាស់ហាងមានទឹកចិត្តល្អ និងធ្លាប់ឆ្ល.ងកា.ត់ការលំបាកដែរនោះ ក៏មិនយកថ្លៃនំខេកនេះឡើយ។ នេះបើតាមម្ចាស់ហាង ដែលមានឈ្មោះថា «យ៊ាំ ថៃសាន» បានរៀបរាប់ឲ្យដឹងទាំងស្រុងថា៖
«២នាក់បងប្អូន ម្នាក់គ លក់អេតចាយបានលុយ៣ម៉ឺន មកទិញនំខេកឱ្យម៉ែ ស្តាប់ហើយក៏រំភើបចិត្ត មិនដឹងលាដៃយកលុយថ្លៃនំយ៉ាងដូចម្តេច? បើអ្នកលក់កាលក្នុងវ័យនេះ លំបាកជាងក្មួយៗផង។ ពូចេញលុយជំនួសក្មួយ តបស្នងចំពោះចិត្តកតញ្ញូមួយនេះ សង្ឃឹមថាក្មួយធំឡើងមានអនាគតល្អ ធ្វើជាមនុស្សល្អរបស់សង្គម។» សូមទស្សនាវីដេអូខាងក្រោមនេះ៖
