សង្គម
នៅព្រឹកថ្ងៃពុធ ៣កើត ខែបុស្ស ឆ្នាំឆ្លូវ ត្រីស័ក ព.ស. ២៥៦៥ ត្រូវនឹង ថ្ងៃទី៥ ខែមករា ឆ្នាំ២០២២នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីប្រគល់ប្រាក់រង្វាន់ជូនកីឡាការិនី អ៊ុក ស្រីមុំ បន្ទាប់ពីដណ្តើមបានមេដាយមាសពិភពលោកពីការប្រកួតប៉េតង់នៅទីក្រុងសាន់តាស៊ូសាណា ប្រទេសអេស្ប៉ាញ កាលពីខែវិច្ឆិកា ឆ្នាំ២០២១។
សម្តេចតេជោ ហ៊ុន សែន ពិតជា សប្បាយរីករាយ និងអបអរសាទរចំពោះជ័យលាភី កីឡាការីនី អ៊ុក ស្រីមុំ និងលោកគ្រូបង្វឹក ដែលបានខិតខំរហូតទទួលបានមេដាយមាសជូនជាតិមាតុភូមិនាពេលនេះ។ សម្តេចតេជោ បានចាត់ទុកការដណ្តើមបានមេដាយមាសពិភពលោក របស់កីឡាការិនី អ៊ុក ស្រីមុំ ក៏ដូចជាកីឡាករ កីឡាការិនីដទៃទៀត គឺជាកិត្តិយសរបស់ជាតិទាំងមូល។
ថ្លែងក្នុងឱកាសនេះដែរ សម្ដេចបានលើកឡើងអំពីលោកសុខ សុវណ្ណវឌ្ឍនាសាប៊ុង ហៅ វិល្លាម គ័ងដែលជាមេ.ក្លោ.ងចោ.រប្ល.ន់ផ្ទះអ្នកលក់ឡេអនឡាញ ល្បីឈ្មោះអ៊ាន សៀវម៉ី ដែលកាលពីអំឡុង ប្រហែលឆ្នាំ ២០១៦ ២០១៧ ២០១៨នោះវិល្លាម គ័ង ធ្លាប់បបួលលោក ហ៊ុន ម៉ាណែតប្រកួតគ្នា ប៉ុន្តែសម្តេចតបទៅវិញថា បើចង់ប្រកួតជាមួយកូនប្រុសច្បងរបស់សម្តេច គឺទាល់តែ លោក វិល្លាម ទៅប្រឡងឆ័តយោងជាមុនសិន ព្រោះហ៊ុន ម៉ាណែត មានជំនាញខាងលោតឆ័ត្រយោង ។ សូមស្ដាប់ប្រសាសន៍សម្ដេចទាំងស្រុងខាងក្រោមនេះ៖
