សង្គម
ក្រោយពីពន្យាពេលជាបន្តបន្ទាប់ អស់រយៈពេល៣ឆ្នាំមកហើយមកនេះទីបំផុត តារាកំប្លែងក្រម៉ិចក្រម៉ើម វ៉ាន់ នីឡា ដែលត្រូវបានមហាជនស្គាល់ថា ជាកូនស្រីបណ្ដូលចិត្តរបស់លោក សុវណ្ណ ឫទ្ធី ហៅលោកតា វ៉ិចទ័រ បានចូលរោងមង្គលការហើយនៅថ្ងៃទី ១៩ ខែមីនា ឆ្នាំ២០២២នេះ។
នៅក្នុងកម្មវិធីព្រឹកនេះគេឃើញមានវត្តមានបងប្អូន ញាតិមិត្តជិតស្និទ្ធជាច្រើនរូបបានចូលរួម ហើយក្នុងនោះក៏មានការផ្ដល់កិត្តិយសពីលោកជំទាវ ហ៊ុន ស៊ីណាត ដឹកដៃកូនកំលោះ កូនក្រមុំផងដែរ ហើយអ្វីដែលអ្នកគាំទ្រមានការងឿងឆ្ងល់នោះក៏ឃើញមានវត្តមានអតីតារាសម្ដែង លោកព្រីង ច័ន្ទបុត្រ ផងដែរ។
កាលជំនាន់មុនមិនតិចនាក់នោះទេ ដែលអាចនិយាយថាអ្នកណាក៏ស្គាល់ តួប្រុសសស្អាត រូបសង្ហារ លោក ព្រីង ច័ន្ទបុត្រ ដែរ ព្រោះការតែងខ្លួន ការលេងស្ទីលម៉ូដសក់ ម៉ូដសម្លៀកបំពាក់ តែងតែយកលោកជាគម្រូ ធ្វើតាមតែម្ដង។
តែជាច្រើនឆ្នាំកន្លងមកនេះ តារាប្រុសរូបនេះក៏បានដកខ្លួន ចេញពីវិស័យសិល្បៈ ដោយបានទៅរស់នៅឯក្រៅប្រទេស បោះបង់ចោលការងារពីមុនទាំងស្រុង ស្រាប់តែនៅព្រឹកនេះបានបង្ហាញវត្តមានសារជាថ្មីក្នុងនាមជាចាស់ទុំខាងកូនកំលោះទៀតផង។
ពិតជាគ្មានអ្វីត្រូវលាក់បាំងនោះទេ ការពិតលោក ព្រីន ច័ន្ទបុត្រ គឺជាស្វាមីនឹងម្ដាយក្មេកតារាកំប្លែង វ៉ាន់ នីឡា ត្បិតលោក ព្រីង ច័ន្ទបុត្រ និង ភរិយា មានគម្លាតអាយុខុសគ្នាបន្តិចមែន តែអ្នកទាំងពីរបានទាក់ទងស្គាល់ចិត្តថ្លើ.មគ្នា ព្រមទាំងបានចុះសំបុត្រអាពាហ៍ពិពាហ៍ ជាប្ដីប្រពន្ធស្របច្បា.ប់ទៀតផង កាលពីអំឡុងឆ្នាំ ២០២០។
